نبی کا نام جو میں ایک بار لیتا ہوں
خزاں میں بیٹھ کے لطفِ بہار لیتا ہوں
Nabi ka naam jo main aik baar leta hoon
Khizaan mein baith ke lutf-e-bahaar leta hoon
اسی نے رکھا ہے میرا بھرم زمانے میں
وہ ایک نام جو میں بار بار لیتا ہوں
Isi ne rakha hai mera bharam zamane mein
Woh aik naam jo main baar baar leta hoon
تمہاری کاکلِ مشکیں کا ذکر کر کے حضور
میں اپنی زیست کے گیسو سنوار لیتا ہوں
Tumhari kakul-e-mushkeen ka zikar kar ke Huzoor
Main apni zist ke gesu sanwaar leta hoon
اُنڈیلتا ہوں میں کاغذ پہ جامِ عشقِ رسول
پھر اس کو پڑھ کے سرور و خمار لیتا ہوں
Undailta hoon main kaaghaz pe jaam-e-ishq-e-Rasool
Phir is ko parh ke suroor o khumaar leta hoon
بناتا ہوں جو تصوّر میں آپ کی تصویر
پھر اس کو آنکھ سے دل میں اُتار لیتا ہوں
Banata hoon jo tasawwur mein aap ki tasweer
Phir is ko aankh se dil mein utaar leta hoon
گناہ کم ہی نکلتے ہیں رحمتوں سے تیری
میں جب بھی ان کا حساب و شمار لیتا ہوں
Gunah kam hi nikalte hain rehmaton se teri
Main jab bhi in ka hisaab o shumaar leta hoon
مہِ صیام میں پڑھتا ہوں جب میں نعت ادیبؔ
ثوابِ روزہ ہزاروں ہزار لیتا ہوں
Mah-e-siyaam mein parhta hoon jab main naat Adeeb
Sawaab-e-rozah hazaaron hazaar leta hoon
Share This Naat
Share with friends and family
نبی کا نام جو میں ایک بار لیتا ہوں
حضرت ادیب رائے پوری