یادِ آقاؐ میں آگئے آنسو
اپنی قسمت جگا گئے آنسو
Yaad-e-aqaﷻ mein aa gaye aansoo
Apni qismat jaga gaye aansoo
ان کی مدحت کا اِک چراغ جلا
اور شدّت بڑھا گئے آنسو
Un ki madah ka ek chiraagh jala
Aur shiddat barha gaye aansoo
تشنگی جب بڑھی حضوری کی
جامِ شفقت پلا گئے آنسو
Tashnagi jab barhi hazoori ki
Jaam-e-shafqat pila gaye aansoo
تھا بہت دور وہ درِ عالی
پر یہ دوری مٹا گئے آنسو
Tha bohot door woh dar-e-aali
Par ye doori mita gaye aansoo
نامِ سرکارؐ ہی لبوں پہ رہا
باقی سب کچھ بھُلا گئے آنسو
Naam-e-sarkarﷻ hi labon pe raha
Baqi sab kuch bhula gaye aansoo
اُن کے ابرِ کرم کا ذکر ہوا
ایک لمحے میں چھا گئے آنسو
Un ke abr-e-karam ka zikr hua
Ek lamhe mein chha gaye aansoo
لفظ کب لائقِ سلامی تھے
اصل رشتہ نبھا گئے آنسو
Lafz kab laaiq-e-salami the
Asal rishta nibha gaye aansoo
ذکرِ سرکار پر بہیں کہ رُکیں
کیسی مشکل میں آگئے آنسو
Zikr-e-sarkar par bahin ke rukin
Kaisi mushkil mein aa gaye aansoo
بزمِ سرکارؐ میں چھلکنے لگے
اور مرا سر جھکا گئے آنسو
Bazm-e-sarkarﷻ mein chhalakne lage
Aur mera sar jhuka gaye aansoo
خود فریبی پہ گامزن تھا شکیلؔ
سیدھے رستے چلا گئے آنسو
Khud farebi pe gamzan tha Shakeelؔ
Seedhe raste chala gaye aansoo
Share This Naat
Share with friends and family
یادِ آقاؐ میں آگئے آنسو
محمد شکیل نقشبندی