صبح طیبہ میں ہوئی بٹتی ہے نعمت نور کی
فرش سے تا عرش چلتی ہے ضیافت نور کی
Subah Tayyaba mein hui batt rahi hai ne'mat noor ki
Farsh se ta arsh chalti hai ziafat noor ki
حشر کے دن ہوگی جب صبحِ شفاعت نور کی
آنکھیں خیرہ ہوں گی جب دیکھیں گی طلعت نور کی
Hashr ke din hogi jab subah-e-shafaat noor ki
Aankhein khera hongi jab dekhein gi tal'at noor ki
لا مکاں میں طالب و مطلوب کا کیا امتیاز
قابِ قوسین اصل میں ہے شانِ رفعت نور کی
La makaan mein taalib o matloob ka kya imtiaz
Qab-e-qosain asal mein hai shaan-e-rafat noor ki
ماں حلیمہ آپ کے آنگن پلا بطحا کا چاند
کیسی تھی انصاف پر مبنی رضاعت نور کی
Maan Halima aap ke aangan pala Batha ka chaand
Kaisi thi insaaf par mabni ra'dat noor ki
گنبدِ خضرا کو آنکھوں سے چھوئیں دل میں رکھیں
روح کے اندر سما جائے زیارت نور کی
Gunbad-e-khazra ko aankhon se chho'ain dil mein rakhain
Rooh ke andar sama jaye ziarat noor ki
وہ مقدس پاؤں جن سے موم ہو پتھر کا دل
لوحِ دل پر نقش کرلیں ہم بھی صورت نور کی
Woh muqaddas paon jin se mom ho pathar ka dil
Lo'h-e-dil par naqsh karlen hum bhi surat noor ki
بو ہریرہ ایک پیالہ دودھ پر حیران تھے
پیٹ ستّر نے بھرا ایسی تھی برکت نور کی
Bo Haraira aik piyala doodh par heran the
Pait sattar ne bhara aisi thi barakat noor ki
جبرئیل آئیں نہ جن کے گھر اجازت کے بنا
ان کی جلوت نور کی ہے ان کی خلوت نور کی
Jibreel aaye na jin ke ghar ijazat ke bina
Un ki jalwat noor ki hai un ki khalwat noor ki
دیکھتے ہی دیکھتے ساری بلائیں دور ہوں
رکھیے گر وردِ زباں دن رات آیت نور کی
Dekhte hi dekhte sari bala'en door hoon
Rakhye gar wird-e-zubaan din raat aayat noor ki
معجزے سب کو ملے مخصوص مدت کے لیے
حشر تک قرآن ہے زندہ کرامت نور کی
Mo'jze sab ko mile makhsoos muddat ke liye
Hashr tak Quran hai zinda karamat noor ki
خان زادہ سیدوں کا اعلیٰ حضرت بن گیا
کیونکہ اس نے زندگی بھر کی تھی خدمت نور کی
Khan Zada Sayyidon ka aala hazrat ban gaya
Kyunke us ne zindagi bhar ki thi khidmat noor ki
مفتیِ اعظم کو حاصل ہوگیا نوری لقب
نور کی سرکار سے پالی جو بیعت نور کی
Mufti-e-Azam ko hasil ho gaya Noori laqab
Noor ki sarkar se paali jo bai'at noor ki
اعلیٰ حضرت نے لکھا تھا اک قصیدہ نور کا
اور نظمی لکھ رہا ہے نوری مدحت نور کی
Aala Hazrat ne likha tha ik qaseeda noor ka
Aur Nazmi likh raha hai Noori madah noor ki
Share This Naat
Share with friends and family
صبح طیبہ میں ہوئی بٹتی ہے نعمت نور کی
سید آل رسول حسنین میاں برکاتی نظمی