عشقِ اویس و جذبۂ بوذر بھی ڈال دے
دامن میں یا رب اُن کا مقدّر بھی ڈال دے
Ishq-e-Owais o jazbah-e-Bozar bhi daal de
Daaman mein ya Rab un ka muqaddar bhi daal de
دیکھوں مَیں چلتے پھرتے رسُولِ کریم کو
آنکھوں میں صدیوں قبل کے منظر بھی ڈال دے
Dekhoon mein chalte phirte Rasool-e-Kareem ko
Aankhon mein sadiyon qabl ke manzar bhi daal de
میرے پیالے میں مرے اللہ کے حبیب
اپنی محبتوں کا سمندر بھی ڈال دے
Mere pyale mein mere Allah ke Habeeb
Apni mohabbaton ka samandar bhi daal de
کیا کُچھ نہیں ہے روضہ و منبر کے درمیاں
روضہ بھی دل میں ڈال دے منبر بھی ڈال دے
Kya kuch nahi hai roza o minbar ke darmiyan
Roza bhi dil mein daal de minbar bhi daal de
میدانِ حشر تک کی بجھانی ہے تشنگی
ساگر میں اپنے تُو مِری گاگر بھی ڈال دے
Medaan-e-Hashr tak ki bujhani hai tishnagi
Saagar mein apne tu meri gaghar bhi daal de
بوصیری کو اُڑھائی تھی جو تُو نے خواب میں
وہ چادرِ شفا مِرے اُوپر بھی ڈال دے
Buseeri ko orhai thi jo tu ne khwab mein
Woh chadar-e-shifa mere oopar bhi daal de
جائے جو اب کے لَوٹ کے آنا نہ ہو نصیب
ڈیرہ ترے قریب مظفّر بھی ڈال دے
Jaye jo ab ke laut ke aana na ho naseeb
Dera tere qareeb Muzaffar bhi daal de
Share This Naat
Share with friends and family
عشقِ اویس و جذبۂ بوذر بھی ڈال دے
مظفر وارثی