آپؐ کی نعتیں میں لکھ لکھ کر سناؤں آپؐ کو
کِس طرح راضی کروں کیسے مناؤں آپؐ کو
Aapؐ ki naatein mein likh likh kar sunaun aapؐ ko
Kis tarah raazi karun kaise manaun aapؐ ko
آپؐ کو راضی نہ کر پایا تو مرجاؤں گا مَیں
چھوٹی چھوٹی کِرچیاں بن کر بکھر جاؤں گا مَیں
Aapؐ ko raazi na kar paya to marjaun ga main
Choti choti kirchiyan ban kar bikhar jaaun ga main
زندگی کا اِس طرح مجھ کو مزہ کیا آئے گا
دِل سیاہی کے بھنور میں ڈوبتا رہ جائے گا
Zindagi ka is tarah mujh ko mazaa kya aaye ga
Dil siyahi ke bhanwar mein doobta reh jaaye ga
واسطہ دوں آپؐ کو مَیں آپؐ کے حسنین کا
یارِ غارِ ثور کا صدیقء کونین کا
Waasta dun aapؐ ko main aapؐ ke Hasnain ka
Yaar-e-Ghaar-e-Saur ka Siddeeque-e-Kounain ka
آپؐ تو دشمن کے حق میں بھی دُعا کرتے رہے
بے وفا لوگوں سے بھی ہر دم وفا کرتے رہے
Aapؐ to dushman ke haq mein bhi duaa karte rahe
Be wafa logon se bhi har dam wafa karte rahe
آپؐ تو رحمت ہی رحمت ہیں جہانوں کے لیے
میرے جیسے بے عمل اور بے ٹھکانوں کے لیے
Aapؐ to rehmat hi rehmat hain jahanon ke liye
Mere jaise be amal aur be thikano ke liye
آپؐ کا ہے رُوٹھنا ارض و سما کا رُوٹھنا
عرش کا سارے جہانوں کے خدا کا رُوٹھنا
Aapؐ ka hai rootsana arz o sama ka rootsana
Arsh ka saare jahanon ke Khuda ka rootsana
آپؐ کی نظروں سے جو گِرتا ہے مرجاتا ہے وہ
راکھ بن کر اپنے قدموں میں بکھر جاتا ہے وہ
Aapؐ ki nazron se jo girta hai marjaata hai woh
Raakh ban kar apne qadmoun mein bikhar jaata hai woh
اِس طرح تو آدمی خود آدمی رہتا نہیں
صاحبِ ایمان کیا ، انسان بھی رہتا نہیں
Is tarah to aadmi khud aadmi rehta nahi
Saahib-e-Imaan kya, insaan bhi rehta nahi
کیسے کیسے دشمنوں پر رحم کھایا آپؐ نے
آگ سے کتنے ہی لوگوں کو بچایا آپؐ نے
Kaise kaise dushmanon par rehm khaya aapؐ ne
Aag se kitne hi logon ko bachaya aapؐ ne
اپنے جُوتوں ، اپنے سایے میں بٹھا دیجے مجھے
آپؐ کا ناچیز خادم ہوں دُعا دیجئے مجھے
Apne jooton, apne saaye mein bitha deeje mujhe
Aapؐ ka naacheez khaadim hoon duaa deeje mujhe
زندگی کی تیز لہروں میں نہ بہہ جاؤں کہیں
گرد بن کر راستے ہی میں نہ رَہ جاؤں کہیں
Zindagi ki tezz lehron mein na beh jaaun kahin
Gard ban kar raaste hi mein na rah jaaun kahin
آپؐ کو خاتونِ جنّت اور علی کاواسطہ
آپؐ کو فاروق و عثمانِ غنی کا واسطہ
Aapؐ ko Khatoon-e-Jannat aur Ali ka waasta
Aapؐ ko Farooq o Usman-e-Ghani ka waasta
زندگی کو اِک بہت مشکل سفر در پیش ہے
ایک مشکل امتحاں بارِ دگر در پیش ہے
Zindagi ko ik bohot mushkil safar dar pesh hai
Ek mushkil imtihaan baar-e-digar dar pesh hai
سوچ میں ڈوبا ہوا ہوں سوچ ہی میں قید ہوں
بے بسی گھیرے ہوئے ہے بے بسی میں قید ہوں
Soch mein dooba hua hoon soch hi mein qaid hoon
Be-basi ghere hue hai be-basi mein qaid hoon
ٹوٹتے جاتے ہیں سارے آسرے جتنے بھی ہیں
بے اثر ہیں لوگ سب چھوٹے بڑے جتنے بھی ہیں
Tootte jaate hain saare aasre jitne bhi hain
Be asar hain log sab chhote bade jitne bhi hain
کس قدر ، کتنا ضروری ہے سہارا آپؐ کا
میری قسمت ہی بدل دے گا اشارا آپؐ کا
Kis qadar, kitna zaroori hai sahara aapؐ ka
Meri kismat hi badal de ga ishaara aapؐ ka
لوگ اکثر شاعرِ اصحاب کہتے ہیں مجھے
اُن کی خاطر ، روز و شب بے تاب، کہتے ہیں مجھے
Log aksar shair-e-as-haab kehte hain mujhe
Un ki khatir, roz o shab be taab, kehte hain mujhe
بے عمل ہوں مغفرت کا اک سہارا ہے ضرور
آپؐ کا ہر اک صحابی جاں سے پیارا ہے ضرور
Be amal hoon maghfirat ka ik sahara hai zaroor
Aapؐ ka har ek sa-haabi jaan se paara hai zaroor
میں نے مختص کر لی اپنی چشمِ تر اُن کے لیے
مضطرب رہتا ہوں مَیں شام و سحر اُن کے لیے
Main ne mukhtasir kar li apni chashm-e-tar un ke liye
Muztarib rehta hoon main shaam o sehr un ke liye
میں نہ سرمد ہوں نہ مجنوں ہوں نہ مَیں منصور ہوں
اُن کا شاعر اور اُن کا بندۂِ مزدور ہوں
Main na Sarmad hoon na Majnoon hoon na main Mansoor hoon
Un ka shair aur un ka bandah-e-mazdoor hoon
میری خواہش ہے کہ اُن کی خوبیاں لکھتا رہوں
شوق سے میں آسماں کو آسماں لکھتا ہوں
Meri khwahish hai ke un ki khubiyan likhta rahoon
Shoaq se main asmaan ko asmaan likhta hoon
اُن کے صدقے آپؐ مجھ پر مہربانی کیجئے
میرے حالِ زار پر آقا توجہ دیجئے
Un ke sadqe aapؐ mujh par meherbaani keeje
Mere haal-e-zaar par aaqa tawajjuh deeje
آپؐ سے رشتہ غلامی کا سدا قائم رہے
خواجگی اور بندگی کی یہ فضا قائم رہے
Aapؐ se rishta ghulami ka sadaa qaim rahe
Khawjagee aur bandagi ki ye faza qaim rahe
میرے سر پر مشکلوں کا آسماں گرنے کو ہے
ذرّہء ناچیز پر کوہِ گراں گرنے کو ہے
Mere sar par mushkilon ka asmaan girne ko hai
Zarra-e-naacheez par Koh-e-Giran girne ko hai
گھپ اندھیرے میں کھڑا ہوں اے حرا کے آفتاب
پُرزہ پُرزہ ہو رہی ہے میری خوشیوں کی کتاب
Ghap andhere mein khada hoon ae Hira ke aaf-tab
Purza purza ho rahi hai meri khushiyon ki kitaab
میرے حق میں اپنے خالق سے دعا فرمائیے
اے مرے آقاؐ کرم کی انتہا فرمائیے
Mere haq mein apne khaaliq se duaa farmaiyye
Ae mere aaqaؐ karam ki inteha farmaiyye
دیکھتے ہیں تو مجھے بے آسرا کہتے ہیں لوگ
عہدِ ماضی کی کوئی بھُولی صدا کہتے ہیں لوگ
Dekhte hain to mujhe be aasar kehte hain log
Ehde maazi ki koi bhoole sadaa kehte hain log
کس طرح روکوں مَیں اس طوفان اور سیلاب کو
ذہن سے کیسے نکالوں خوفناک اس خواب کو
Kis tarah rokun main is toofan aur sailaab ko
Zehen se kaise nikaalun khaufnaak is khwab ko
میری اپنی سانس بھی اب تو مرے بس میں نہیں
تھک گئی ہے چلتے چلتے اب مری لوحِ جبیں
Meri apni saans bhi ab to mere bas mein nahi
Thak gayi hai chalte chalte ab meri loh-e-jabeen
دیکھ کر دُشوار راہیں زندگی گھبرا گئی
میرے گھر تک آتے آتے روشنی گھبرا گئی
Dekkar dushwaar rahein zindagi ghabra gayi
Mere ghar tak aate aate roshni ghabra gayi
سبز گنبد کی طرف اُٹھتی ہیں نظریں بار بار
آپؐ کی رحمت کو دیتا ہے صدا یہ خاکسار
Sabz gumbad ki taraf uthti hain nazrein baar baar
Aapؐ ki rehmat ko deta hai sadaa ye khaaksaar
خالقِ ارض و سما سے اب دُعا کیجئے حضورؐ
مہرباں ہوجائیں مجھ عاصی پہ اب ربِ غفور
Khaaliq-e-arz o sama se ab duaa keeje huzoorؐ
Mehrban ho jaaye mujhi aasi pe ab Rab-e-Ghafoor
میری ہمت سے زیادہ ہے پریشانی کا بوجھ
میں اٹھا سکتا نہیں اپنے تنِ فانی کا بوجھ
Meri himmat se zyada hai pareshani ka bojh
Main utha sakta nahi apne tan-e-faani ka bojh
راہ پر چلتے ہوئے اب ڈگمگا جاتا ہوں مَیں
سانس لینے پر بھی اب تو لڑکھڑا جاتا ہوں مَیں
Raah par chalte hue ab dagmaga jaata hoon main
Saans lene par bhi ab to ladkhra jaata hoon main
لب ہلا دیجے مری خاطر دُعا کے واسطے
رحم فرما دیجئے مجھ پر خدا کے واسطے
Lab hilaa deeje meri khaatir duaa ke waaste
Rehm farma deeje mujh par Khuda ke waaste
Share This Naat
Share with friends and family
آپؐ کی نعتیں میں لکھ لکھ کر سناؤں آپؐ کو
انجم نیازی