کبھی تو مجھے بھی وہ بلوا ہی لیں گے
کبھی تو یہ حاضر گنہ گار ہوگا
Kabhi to mujhe bhi woh bulawa hi lein ge
Kabhi to yeh haazir gunahgaar hoga
کبھی تو مری ان نگاہوں کے آگے
مقدس محمدؐ کا دربار ہوگا
Kabhi to meri un nigahon ke aage
Muqaddas Muhammad ﷺ ka darbaar hoga
غم دل کے ہو جائیں آقا سویرے
کبھی تو مقدر بدل جائیں میرے
Gham dil ke ho jaayein aaqa savere
Kabhi to muqaddar badal jaayein mere
میں سمجھوں گا دونوں جہاں مل گئے ہیں
حبیب خدا کا جو دیدار ہو گا
Main samjhunga dono jahaan mil gaye hain
Habeeb-e-Khuda ka jo deedaar hoga
کبھی تو خزاں بھی اٹھائے گی ڈیرے
کبھی تو بہاروں کا آئے گا موسم
Kabhi to khizan bhi uthaaye gi dere
Kabhi to baharon ka aaye ga mausam
وہ آئینگے جب میرے اجڑے چمن میں
میرے گھر بھی جنت کا گلزار ہو گا
Woh aaein ge jab mere ujrhe chaman mein
Mere ghar bhi jannat ka gulzaar hoga
ہے ہمت کہاں عرض کرنے کی مجھ میں
جو فرقت کے صدمے اٹھاتا رہا ہوں
Hai himmat kahan arz karne ki mujh mein
Jo furqat ke sadme uthaata raha hoon
لپٹ جاؤں گا ان کے قدموں سے جا کر
بس آنکھوں سے رو رو کے اظہار ہوگا
Lipat jaaunga un ke qadmon se ja kar
Bas aankhon se ro ro ke izhaar hoga
ہوں میں نام لیوا حبیب خدا کا
مجھے خوف محشر ہو کیوں کر نیازیؔ
Hoon main naam liwa Habeeb-e-Khuda ka
Mujhe khauf-e-mahshar ho kyun kar Niazi
یقیناً وہ میری شفاعت کریں گے
گرم جب کہ محشر کا بازار ہوگا
Yaqeenan woh meri shifaat karen ge
Garam jab ke mahshar ka bazaar hoga
Share This Naat
Share with friends and family
کبھی تو مجھے بھی وہ بلوا ہی لیں گے
عبدالستار نیازی