جو داغِ عشق شہ دیں ہیں دل پہ کھائے ہوئے
وہ گویا خلدِ بریں کی سند ہیں پائے ہوئے
Jo dagh-e-ishq shah-e-dein hain dil pe khaye hue
Wo goya khuld-e-bareen ki sanad hain paye hue
تمہارے دَر کے گداؤں کے واسطے یا شاہ
بہشت لائے ہیں رِضواں دلہن بنائے ہوئے
Tumhare dar ke gadaon ke wastay ya shah
Bihisht laye hain rizwan dulhan banaye hue
اُٹھا کے آنکھ نہ دیکھے وہ حور و غلماں کو
نظر میں جس کی ہیں ماہِ عرب سمائے ہوئے
Utha ke aankh na dekhe wo hoor o ghulman ko
Nazar mein jis ki hain mah-e-arab simaye hue
ہے عاشقوں کی نظر تیرے رُخ پہ باطن میں
بظاہر اپنا کفن میں ہیں منہ چھپائے ہوئے
Hai ashiqon ki nazar tere rukh pe baatin mein
Bazahir apna kafan mein hain munh chhupaye hue
ہے ان کے دفن پہ قربان جان عالم کی
جو تیرے ہاتھ سے ہیں قبر میں سلائے ہوئے
Hai un ke dafn pe qurban jaan aalam ki
Jo tere hath se hain qabar mein silaye hue
ٹھہر ذرا مَلک الموت دیکھ لینے دے
شہِ مَدینہ ہیں بالیں پہ میری آئے ہوئے
Thehr zara malak-ul-maut dekh lene de
Shah-e-Madina hain baleen pe meri aaye hue
اَجل ہے سر پہ کھڑی دیر کر نہ اے غافل
رَہِ مَدینہ کو طے کر قدم بڑھائے ہوئے
Ajal hai sar pe khari deir kar na aye ghaafil
Rahi-e-Madina ko tay kar qadam barhaye hue
نہ جائیں گے کہیں ہل کر اس آستانے سے
کہ ہم ہیں یا شہِ طیبہ ترے ہلائے ہوئے
Na jayein ge kahin hil kar is aastane se
Ke hum hain ya shah-e-Tayba tere hilaye hue
وہ دن نصیب ہو ہاتھوں میں جالیاں تھامے
کھڑے ہوں ہم تیرے روضے پہ سرجھکائے ہوئے
Wo din naseeb ho haathon mein jaaliyan thame
Khade hon hum tere rozay pe sar jhukae hue
فرشتے کرتے ہیں یوں زائروں کا اِستقبال
کہ یہ حبیبِ مُکرَّم کے ہیں بلائے ہوئے
Farishtay karte hain yun zaairon ka istiqbal
Ke yeh habib-e-muqarram ke hain bulae hue
کچھ ایک ہم ہی نہیں ہیں دَرِ نبی کے گدا
قمر بھی داغِ غلامی ہے دِل پہ کھائے ہوئے
Kuch aik hum hi nahi hain dar-e-nabi ke gada
Qamar bhi dagh-e-ghulami hai dil pe khaye hue
خدا نے اُن کو کیا سربلند عالم میں
ترے حضور میں آئے جو سر جھکائے ہوئے
Khuda ne unko kiya sarbuland aalam mein
Tere huzoor mein aaye jo sar jhukae hue
فلک پہ عرش پہ جنت میں تیرا اسم شریف
خدا نے نام سے اپنے لکھا ملائے ہوئے
Falak pe arsh pe jannat mein tera ism shareef
Khuda ne naam se apne likha milaye hue
گلاب بلکہ سبھی پھول یَارَسُوْلَ اللہ
تیرے پسینے کی خوشبو میں ہیں بسائے ہوئے
Gulaab balke sabhi phool ya rasul Allah
Tere paseene ki khushbu mein hain basaaye hue
بہشت و خلد ہیں کیا بلکہ کل خزانوں کا
خدا کے گھر سے ہیں وہ اِختیار پائے ہوئے
Bihisht o khuld hain kia balke kul khazanon ka
Khuda ke ghar se hain wo ikhtiyar paye hue
عجب ہے کیا جو کھلے اُن پہ غیب کے اَسرار
خدا کے ہیں وہ سکھائے ہوئے پڑھائے ہوئے
Ajab hai kya jo khule un pe ghaib ke asrar
Khuda ke hain wo sikhaaye hue padhae hue
سنا ہے جب سے کہ یُعْطِیْکَ رَبُّکَ تَرْضٰی
تمہاری اُمتِ عاصی کے دِل سوائے ہوئے
Suna hai jab se ke yu’teeka rabbuka tarda
Tumhari ummat-e-aasi ke dil sawaaye hue
ترا کرم کہ تو فرمائے اُمتی ہر دم
ہمارا ظلم کہ ہم ہیں تجھے بھلائے ہوئے
Tera karam ke tu farmae ummati har dam
Humara zulm ke hum hain tujhe bhulae hue
زہے نصیب کہ اُمت کی مغفرت کے لیے
وہ ہیں جنابِ الٰہی میں ہاتھ اُٹھائے ہوئے
Zahe naseeb ke ummat ki maghfirat ke liye
Wo hain janab-e-ilahi mein hath uthae hue
غلام اُن کے گرفتار کیوں ہوں محشر میں
وہ سب کو دامنِ اَقدس میں ہیں چھپائے ہوئے
Ghulam un ke giraftar kyu hon mahasher mein
Wo sab ko daaman-e-aqdas mein hain chhupae hue
اگرچہ نیک عمل کچھ نہیں ہمارے پاس
مگر حضور کا ہیں آسرا لگائے ہوئے
Agarche naik amal kuch nahi humare paas
Magar huzoor ka hain aasra lagae hue
سوا حضور کے کوئی نہیں رفیق اپنا
عزیز جن کو سمجھتے تھے وہ پرائے ہوئے
Siwa huzoor ke koi nahi raafiq apna
Azeez jin ko samajhte the wo paraaye hue
کچھ اس میں شک نہیں بد ہیں گنہگار ہیں ہم
مگر بدوں کو بھی رکھو شہا نبھائے ہوئے
Kuch is mein shak nahi bad hain gunahgar hain hum
Magar bado ko bhi rakho shaha nibhae hue
حضور حشر میں بگڑی گنہگاروں کی
بنے گی کیسے بغیر آپ کے بنائے ہوئے
Huzoor hasher mein bigri gunahgaron ki
Banegi kaise bagair aap ke banae hue
سفید نامۂ اَعمال کیوں نہ ہوں اُن کے
ترے کرم کی جو بارِش میں ہیں نہائے ہوئے
Safed nama-e-aamaal kyu na hon un ke
Tere karam ki jo barish mein hain nahae hue
ندا یہ حشر میں ہوگی کہ دیکھ لیں عشاق
نقاب وہ رُخِ اَنور سے ہیں اُٹھائے ہوئے
Nida yeh hasher mein hogi ke dekh lein ashaaq
Niqab wo rukh-e-anwar se hain uthae hue
ہے منکروں کے لیے روزِ حشر نارِ جحیم
قصورِ خلد غلاموں پہ ہیں لٹائے ہوئے
Hai munkiron ke liye roz-e-hasher naar-e-jahim
Qasoor-e-khuld ghulamoun pe hain lutaye hue
مَدد کرو کہ تمہارے غلام کے پیچھے
ہے دشمنوں کا ہجوم آستیں چڑھائے ہوئے
Madad karo ke tumhare ghulam ke peeche
Hai dushmanon ka hujoom asteen chadhae hue
جمیلؔ قادری نعت نبی سنائیں گے
خدا کے سامنے جائیں گے جب بلائے ہوئے
Jameel Qadri naat nabi sunayein ge
Khuda ke samne jayein ge jab bulae hue
جمیلؔ قادری چمکے نہ کیوں کلام ترا
کہ تو جنابِ رضا سے ہے فیض پائے ہوئے
Jameel Qadri chamke na kyu kalaam tera
Ke tu janab-e-raza se hai faiz paye hue
Share This Naat
Share with friends and family
جو داغِ عشق شہ دیں ہیں دل پہ کھائے ہوئے
جمیل الرحمن قادری