ہے واقعی جہاں میں وہ شیدا رسولؐ کا
اپنایا جس نے دل سے طریقہ رسولؐ کا
Hai waqai jahan mein woh sheida Rasoolؐ ka
Apnaya jis ne dil se tareeqa Rasoolؐ ka
اترائے خود پہ کیوں نہ وہ منگتا رسولؐ کا
مل جائے جس کو بھیک میں صدقہ رسولؐ کا
Utrae khud pe kyun na woh mangta Rasoolؐ ka
Mil jaye jis ko bheek mein sadaqa Rasoolؐ ka
ہوتی ہے بارگاہِ خدا میں وہ مستجاب
شامل ہو جس دعا میں وسیلہ رسولؐ کا
Hoti hai bargah-e-Khuda mein woh mustajab
Shamil ho jis dua mein waseela Rasoolؐ ka
یا رب یہ آرزو ہے کہ مرقد سے حشر تک
ہر وقت سامنے رہے جلوہ رسولؐ کا
Ya Rab yeh arzu hai ke marqad se hashr tak
Har waqt samne rahe jalwa Rasoolؐ ka
ذاتِ نبیؐ تمام نقائص سے پاک ہے
ہے پیکرِ صفات سراپا رسولؐ کا
Zaat-e-Nabiؐ tamam naqais se paak hai
Hai paikar-e-sifaat sarapa Rasoolؐ ka
فرشِ زمیں کے حسن سے نیرنگِ عرش تک
کونین کا وجود ہے صدقہ رسولؐ کا
Farsh-e-zameen ke husn se nairaang-e-arsh tak
Konain ka wajood hai sadaqa Rasoolؐ ka
خلدِ بریں پہ کیوں نہ دوں طیبہ کو فوقیت
ہے خلد سے عزیز مدینہ رسولؐ کا
Khald-e-bareen pe kyun na doon Taiba ko foqiyat
Hai khald se azeez Madina Rasoolؐ ka
رب نے بنایا مالکِ کُل کائنات جب
اے عقل کیا بتاؤں ہے کیا کیا رسولؐ کا
Rab ne banaya maalik-e-kul kainat jab
Ae aql kya bataon hai kya kya Rasoolؐ ka
بو بکر ہوں عمر ہوں کہ عثماں ہوں یا علی
عظمت میں ہر صحابی ہے یکتا رسولؐ کا
Boo Bakr hon Umar hon ke Usman hon ya Ali
Azmat mein har sahabi hai yakta Rasoolؐ ka
سو جان سے عزیز تھے سرکار کو حسین
شاہد ہے طول دیتا وہ سجدہ رسولؐ کا
So jaan se azeez the Sarkar ko Hussain
Shahid hai tool deta woh sajda Rasoolؐ ka
ہو جائے پوری احسنِ محزوں کی آرزو
یا رب دکھا دے گنبدِ خضریٰ رسولؐ کا
Ho jaye poori Ahsan-e-mahzun ki arzu
Ya Rab dikha de gunbad-e-khazra Rasoolؐ ka
Share This Naat
Share with friends and family
ہے واقعی جہاں میں وہ شیدا رسولؐ کا
احسن اعظمی