کتنا حسین دلکش اعلیٰ ترا خیال
شاخِ ثنا پہ آج بھی اُترا ترا خیال
Kitna haseen dilkash a'ala tera khayal
Shaakh-e-sana pe aaj bhi utra tera khayal
غم راحتوں میں ڈھل گئے دل جگمگا اٹھا
جب بھی تصورّات میں چمکا ترا خیال
Gham raahatoun mein dhal gaye dil jagmaga utha
Jab bhi tasruuraat mein chamka tera khayal
چکرا گیا ہے عشق بھی آفاق دم بخود
یوں ساکنانِ طیبہ نے رکھا ترا خیال
Chakra gaya hai ishq bhi aafaaq dum bakhud
Youn saakinaan-e-Tayyiba ne rakha tera khayal
جب بھی سنا ہے شہرِ مدینہ کا تذکرہ
اِک وجد آیا روح کو چھایا ترا خیال
Jab bhi suna hai shehr-e-Madina ka tazkara
Ek wajd aaya rooh ko chhaya tera khayal
فرمایا رب نے رات کا کچھ کم کرو قیام
ہے ربِ ذوالجلال کو کتنا ترا خیال
Farmaya rab ne raat ka kuchh kam karo qiyam
Hai Rab-e-Zuljalal ko kitna tera khayal
تیرے کرم سے سوچ کا قبلہ بدل گیا
پیشِ نظر ہے اب مرے آقاؐ ترا خیال
Tere karam se soch ka qibla badal gaya
Pesh-e-nazar hai ab mere aqa (PBUH) tera khayal
رب کی عطا سے مل گیا انساں تجھے شعور
ـذکرِ حبیبِ پاک سے نکھرا ترا خیال
Rab ki ata se mil gaya insaan tujhe shaoor
Zikr-e-Habeeb-e-Pak se nikhra tera khayal
مدحت نگار کہہ گئے ہر دور میں شکیلؔ
ذہنوں کی دسترس سے ہے بالا ترا خیال
Mad'het nigar keh gaye har daur mein Shakeel
Zehnon ki dastaras se hai baala tera khayal
Share This Naat
Share with friends and family
کتنا حسین دلکش اعلیٰ ترا خیال
محمد شکیل نقشبندی