گنہ آلود چہرے اشک سے ڈھلوائے جاتے ہیں
مواجہ پر، پھر اس کے بعد زائر لائے جاتے ہیں
Guna aalo'd chehray ashk se dhlwaye jate hain
Mawajeh par, phir us ke baad zaer laye jate hain
کیا جاتا ہے صیقل، جاں کو احساسِ ندامت سے
یہاں لانے سے پہلے چشم ودل چمکائے جاتے ہیں
Kiya jata hai seiqal, jaan ko ehsaas-e-nadaamat se
Yahan lanay se pehle chashm o dill chamkay jate hain
ہے پاس خاطر پاکیزہ سرکار، اللہ کو
گنہ گار اس جگہ پر، پاک کرکے لائے جاتے ہیں
Hai paas khatir pakeeza sarkar, Allah ko
Guna gaar is jagah par, paak karke laye jate hain
احاطہ سا کئے رکھتا ہے جاں کو نور کا حالہ
درودِ پاک کے انوار جاں پر چھائے جاتے ہیں
Ihaata sa kiye rakhta hai jaan ko noor ka haala
Duroode paak ke anwaar jaan par chhaye jate hain
ڈراتی ہی نہیں ہے پُل صراط حشر کی وحشت
جو تیرے ہیں، تری رحمت کے سائے سائے جاتے ہیں
Daraati hi nahi hai pul sirat hashar ki wahshat
Jo tere hain, teri rehmat ke saaye saaye jate hain
خطاکاروں کو بھی محرومِ رحمت وہ نہیں رکھتے
گنہ گاروں پہ بھی پہیم کرم فرمائے جاتے ہیں
Khataaron ko bhi mehroom-e-rehmat woh nahi rakhte
Guna gaaron pe bhi paheim karam farmaaye jate hain
ہے لطفِ خاص ان کی رحمت للعالمینی کا
مدینے میں ہم ایسے روسیہ بھی پائے جاتے ہیں
Hai lutf-e-khaas un ki rehmat-lil aalameeni ka
Madine mein hum aise ruswaah bhi paye jate hain
حرم میں ہے ریاض، اللہ اکبر! کیا مقدّر ہے
کرم کا سوچ کر آنکھوں میں آنسو آئے جاتے ہیں
Haram mein hai rayaz, Allah-o-Akbar! kya muqaddar hai
Karam ka soch kar aankhon mein aansu aaye jate hain
Share This Naat
Share with friends and family
گنہ آلود چہرے اشک سے ڈھلوائے جاتے ہیں
ریاض مجید