میں ایک عاصی رحمت نگر حضورؐ کا ہوں
زہے نصیب فقیرِ نظر حضورؐ کا ہوں
Main ek aasi rehmat nagar Huzoor ﷺ ka hoon
Zahe naseeb faqeer-e-nazar Huzoor ﷺ ka hoon
لگا سکے تو لگائے کوئی مری قیمت
گدا تو ہوں ‘ میں گدا بھی مگر حضورؐ کا ہوں
Laga sake to lagaye koi meri qeemat
Gada to hoon, main gada bhi magar Huzoor ﷺ ka hoon
بھرم ہنوز سلامت ہے میری غیرت کا
خدا کا شکر کہ دریوزہ گر حضورؐ کا ہوں
Bharam hanooz salamat hai meri ghairat ka
Khuda ka shukar ke dariyoza gar Huzoor ﷺ ka hoon
ثنائے آقا سے نسبت ہے میرا عزّ و شرف
کہ ہوں تو میں بھی سخنور مگر حضورؐ کا ہوں
Sana-e-Aaqa se nisbat hai mera izz o sharf
Ke hoon to main bhi sakhunvar magar Huzoor ﷺ ka hoon
میں جیسا بھی ہوں جو کچھ بھی ہوں انہی کا کرم
زفرق تابہ قدم سربسر حضورؐ کا ہوں
Main jaisa bhi hoon jo kuch bhi hoon inhi ka karam
Zafarq ta ba qadam sar ba sar Huzoor ﷺ ka hoon
میں عام کرتا ہوں محفل میں اسوہء سرکارؐ
بہ فیض نعت میں پیغام بر حضورؐ کا ہوں
Main aam karta hoon mehfil mein uswa-e-Sarkar ﷺ
Ba faiz naat mein paighambar Huzoor ﷺ ka hoon
اب اس سے بڑھ کے مِرا اعتبار کیا ہوگا
گناہ گار بہت ہوں مگر حضورؐ کا ہوں
Ab is se barh ke mera aitbaar kya hoga
Gunahgar bohat hoon magar Huzoor ﷺ ka hoon
Share This Naat
Share with friends and family
میں ایک عاصی رحمت نگر حضورؐ کا ہوں
پروفیسراقبال عظیم