سکینت دل کی تیری ہی بدولت ساتھ رہتی ہے
رجا بخشش کی بھی تیری بدولت ساتھ رہتی ہے
Sukoonat dil ki teri hi badolat saath rehti hai
Raja bakhshish ki bhi teri badolat saath rehti hai
بہاریں گلشنِ دل میں مرے رہتی ہیں ہر لمحہ
’’عجب خوشبو درودوں کی بدولت ساتھ رہتی ہے‘‘
Baharein gulshan-e-dil mein mere rehti hain har lamha
''Ajab khushbu duroodon ki badolat saath rehti hai''
جو پوچھا قلبِ سالک کے سکینت ساتھ ہے کیسے؟
محبت نے کہا میری بدولت ساتھ رہتی ہے
Jo poocha qalb-e-salik ke sukoonat saath hai kaise?
Mohabbat ne kaha meri badolat saath rehti hai
سخن میں تازہ کاری ، جاذبیت ، دلکشی ، شوکت
ثنائے شاہِؐ خوباں کی بدولت ساتھ رہتی ہے
Sukhan mein taza kaari, jaazibiyat, dilkashi, shaukat
Sana-e-shah-e-khubaan ki badolat saath rehti hai
عجب بین السطور اک نوری دلآویز کیفیت
مری نعتوں میں تسبیحی بدولت ساتھ رہتی ہے
Ajab bain al-sutoor ek noori dil-aawiz kefiyat
Meri naaton mein tasbeeh ki badolat saath rehti hai
جو ہے تائیدِ جبرائیلؑ حاصل تیرے طاہرؔ کو
مرے مولا! یہ تیری ہی بدولت ساتھ رہتی ہے
Jo hai taeed-e-jibra'eel haasil tere Tahir ko
Mere Moula! ye teri hi badolat saath rehti hai
Share This Naat
Share with friends and family
سکینت دل کی تیری ہی بدولت ساتھ رہتی ہے
پروفیسر محمد طاہر صدیقی