جب بھی درِ رسول پہ جا کر کھڑا ہوا
جاتے ہی مجھ کو رتبۂ زائر عطا ہوا
Jab bhi dar-e-Rasul pe ja kar khada hua
Jate hi mujh ko rutba-e-za'ir ata hua
جس کے لبوں پہ رہتا ہے قندِ درودِ پاک
اُس شخص کا ہے شہد میں لہجہ گُھلا ہوا
Jis ke labon pe rehta hai qand-e-darood-e-pak
Us shaks ka hai shehed mein lehja ghula hua
صد شکر ہے کہ میں بھی کھڑا ہوں اُسی جگہ
جس جا ہے قدسیان کا تانتا بندھا ہوا
Sad shukar hai ke main bhi khada hoon usi jagah
Jis ja hai qadsiyan ka taanta bandha hua
ہو کر درِ علی سے جو پہنچا نبی کے در
در علم و آگہی کا اُسی پر ہی وا ہوا
Ho kar dar-e-Ali se jo pohancha Nabi ke dar
Dar ilm o aagahi ka usi par hi wa hua
آئے نہ میرا وقتِ اجل حاضری سے قبل
بس ہر گھڑی ہے مجھ کو یہ دھڑکا لگا ہوا
Aaye na mera waqt-e-ajal hazri se qabl
Bas har ghari hai mujh ko ye dhadka laga hua
کامل یقیں ہے ہوگا تناور درخت بھی
عشقِ نبی کا دل میں ہے پودا لگا ہوا
Kamil yaqeen hai hoga tanawar darakht bhi
Ishq-e-Nabi ka dil mein hai poda laga hua
ملتی نہیں جہان میں اُس کو کہیں پناہ
کوئے رسولِ پاک سے ہے جو پھرا ہوا
Milti nahi jahan mein us ko kahin panah
Kuye Rasul-e-Pak se hai jo phira hua
رحمت کی بارشیں ہیں وہاں رات دن جلیل
جس گھر میں ہے درود کا حلقہ سجا ہوا
Rehmat ki barishen hain wahan raat din Jaleel
Jis ghar mein hai darood ka halqa saja hua
Share This Naat
Share with friends and family
جب بھی درِ رسول پہ جا کر کھڑا ہوا
حافظ عبدالجلیل