مکے حاضری دے دن ہوئے پورے ہن مدینے دے ولّے تیاریاں نیں
نبی پاک دے شہر نوں جان پیاں بختاں والیاں موٹراں لاریاں نیں
Makkay hazri day din hoay poore han madinay day val-lay tayariyaan ne
Nabi Pak day shehar noo jaan piyaan bakhtaan waliyaan motraan laariyaan ne
جنگِ بدر میدان دی دید ہوئی فوجاں کُفر دیاں جتھے ہاریاں نیں
پہلی فتح اسلام نوں ہوئی ایتھے ہویاں دشمناں ڈاہڈیاں خواریاں نیں
Jang-e-Badar maidan di deed hui foujaan kufr diyaan jithay haariyaan ne
Pehli fatah Islam noo hui aithay hoyaan dushmanan daadhiyan khawariyaan ne
ایتھوں ٹُرے محبوب دی یاد لے کے جدھے واسطے رونقاں ساریاں نیں
دلاں وچہ طوفان نیں سدھراں دے پلکاں ہنجواں نال شنگاریاں نیں
Aithon ture mahoob di yaad le ke jidhay wastay rounqaan saariyaan ne
Dilan vich tufan ne sidhraan day palkaan hanjwaan naal shingariyaan ne
روضے پاک دی جھلک جاں نظر آئی اکھاں ہون پیاں صدقے واریاں نیں
جاری لباں تے ہویا درود سب دے کھلیاں رحمتاں والیاں باریاں نیں
Roze Pak di jhalak jaan nazar aai akhaan hon piyaan sadqay waariyaan ne
Jari labaan tay hoya darood sab day khaiyaan rehmatan waliyaan baariyaan ne
ہوئے جالیاں دے جدوں آن نیڑے گلاں بھل گیاں اوتھے ساریاں نیں
سینے لا کے جالیاں نال روئے اکھاں ویخ کے روضے نوں ٹھاریاں نیں
Hoyay jaaliyan day jadon aan nairay galaan bhal gayaan othey saariyaan ne
Seenay laa kay jaaliyan naal roye akhaan vekh ke roze noo thaariyaan ne
منظر کیہہ اے ظہوریؔ میں کیہہ دسّاں اکھاں اوتھے حیران وچاریاں نیں
دن اوہ جہڑے اوتھے لنگدے نیں راتاں اوہ جو اوتھے گزاریاں نیں
Manzar kehai ae Zahoori main kehai dassaan akhaan othey heraan vichariyaan ne
Din oh jhairay othey langday ne rataan oh jo othey guzariyaan ne
Share This Naat
Share with friends and family
مکے حاضری دے دن ہوئے پورے ہن مدینے دے ولّے تیاریاں نیں
محمد علی ظہوری