محفلِ سیدِ کونین جہاں ہوتی ہے
رحمت و نور کی برسات وہاں ہوتی ہے
Mahfil-e-Syed-e-Konain jahan hoti hai
Rehmat o noor ki barsat wahan hoti hai
ذکرِ سرکار سے تر جس کی زباں ہوتی ہے
اس پہ پھرکوئی مصیبت بھی کہاں ہوتی ہے
Zikr-e-Sarkar se tar jis ki zubaan hoti hai
Us pe phir koi museebat bhi kahan hoti hai
میرے سرکار سمجھتے ہیں ضرورت میری
کچھ بتانے کی ضرورت ہی کہاں ہوتی ہے
Mere Sarkar samajhte hain zaroorat meri
Kuch batane ki zaroorat hi kahan hoti hai
جس کا کھاتے ہیں اسی شاہ کے گُن گاتے ہیں
کوئی شے رسمِ وفا بھی تو میاں ہوتی ہے
Jis ka khate hain usi Shah ke gun gate hain
Koi shay rasam-e-wafa bhi to mian hoti hai
جس گلستاں میں کھلا کرتے ہیں گلہائے درود
اس گلستاں سے بہت دور خزاں ہوتی ہے
Jis gulistan mein khila karte hain gullah-e-darood
Us gulistan se bohot door khazan hoti hai
اب کہیں سوزِ بلالی نہیں پایا جاتا
مسجدوں میں تو فقط آج اذاں ہوتی ہے
Ab kahin soz-e-Bilali nahi paaya jata
Masjidon mein to faqat aaj azaan hoti hai
پیڑ آتے ہیں سلامی کے لئے جھکتے ہیں
مصطفےٰچاہیں تو کنکر کو زباں ہوتی ہے
Ped aate hain salaami ke liye jhukte hain
Mustafa chahen to kankar ko zubaan hoti hai
ہوتی رہتی ہے نہیںتھمتی کرم کی بارش
اور سرکار جہاں چاہیں وہاں ہوتی ہے
Hoti rahti hai nahi thamti karam ki barish
Aur Sarkar jahan chahen wahan hoti hai
ذکر تو کیجئے اس نورِ مجسم کا شفیقؔ
تیرگی دیکھئے پھر کیسے نہاں ہوتی ہے
Zikr to kijiye us noor-e-mujassam ka Shafiq
Teeragi dekhiye phir kaise nahan hoti hai
Share This Naat
Share with friends and family
محفلِ سیدِ کونین جہاں ہوتی ہے
شفیق ؔ رائے پوری