کعبے سے اٹھیں جھوم کے رحمت کی گھٹائیں
مقبول ہوئیں تشنہ نصیبوں کی دعائیں
Kaabe se uthain jhoom ke rehmat ki ghaTaa'in
Maqbool hoin tishna naseebon ki dua'in
والشمّس کے جلووں سے منّور ہیں فضائیں
والّیل کی خوشبو سے معطّر ہیں ہوائیں
Wa-al-shams ke jalvon se munawar hain fiza'in
Wa-al-lail ki khushbu se mue-atar hain hawa'in
آتی ہے شہنشاہِ شفاعت ﷺ کی سواری
شاداں ہیں خطا کار تو نازا ں ہیں خطائیں
Aati hai shahanshah-e-shafaat ﷺ ki sawaari
Shaadaan hain khata kaar to naazaan hain khata'in
اس در کے غلاموں کی ہے افتاد فقیری
راس آتی ہیں ان کو نہ عبائیں نہ قبائیں
Is dar ke ghulaamon ki hai iftaad faqiri
Raas aati hain un ko na abaa'in na qaba'in
ہم حلقہء بگوشانِ درِ مصطفویﷺ ہیں
ہم اور کسی در پہ جبیں کیسے جھکائیں
Hum halqa-e-bagoshan-e-dar-e-Mustafavi ﷺ hain
Hum aur kisi dar pe jabein kaise jhukaa'in
وہ بھی نہ سنیں گے تو بھلا کون سنے گا
افسانہء غم اور کسے جاکے سنائیں
Woh bhi na sunein ge to bhala kaun sunega
Afsana-e-gham aur kise jaake sunaa'in
میں عازم طیبہ ہوں مجھے کوئی نہ ٹوکے
کہہ دو کہ حوادث مرے رستے میں نہ آئیں
Main 'aazim Tayba hoon mujhe koi na toke
Keh do ke hawadis mere raste mei na aa'in
بس خاک کفِ پائے محمد ﷺ کی طلب ہے
اقبؔال کا مقصود دوائیں نہ دعائیں
Bas khaak-e-kaf-e-paye Muhammad ﷺ ki talab hai
Iqbaal ka maqsad dawa'in na dua'in
Share This Naat
Share with friends and family
کعبے سے اٹھیں جھوم کے رحمت کی گھٹائیں
پروفیسراقبال عظیم