کہتا ہے کون آپ ہمارے قریں نہیں
وہ کون سا مکاں ہے جہاں تم مکیں نہیں
Kehta hai kaun aap hamare qareen nahi
Woh kaun sa makaan hai jahan tum makeen nahi
اے شاہ انبیاء ترا ہمسر کہیں نہیں
کیا ذکر آسماں کا بروئے زمین نہیں
Ae Shah e Anbiya tera hamsar kahin nahi
Kya zikr aasmaan ka baruye zameen nahi
کرنا مدد لحد میں کہ کوئی قریں نہیں
جز آپ کے مرا کوئی زیر زمیں نہیں
Karna madad lahad mein ke koi qareen nahi
Juz aap ke mera koi zair zameen nahi
رویا میں آکے شربت وصلت پلائیے
اچھی نہیں ہے روز کی شاہ نہیں نہیں
Roya mein aake sharbat waslat pilaiye
Achi nahi hai roz ki Shah nahi nahi
طالب ہو جس کا خود وہ مطلوب دو جہاں
جز مصطفے کوئی بھی تو ایسا حسیں نہیں
Taalib ho jis ka khud woh matloob do jahan
Juz Mustafa koi bhi to aisa haseen nahi
معراج میں یہ پردہ قدرت سے تھی صدا
آتے ہو اے حبیب مرے کیوں قریں نہیں
Ma'iraaj mein ye pardah qudrat se thi sada
Aate ho ae Habeeb mere kyu qareen nahi
ہاں مانگ لو جو مانگو گے پیارے ملے گا آج
سب کچھ ہمارے گھر میں ہے بس اک نہیں نہیں
Haan maang lo jo maango ge pyare milega aaj
Sab kuch hamare ghar mein hai bas ek nahi nahi
وحشت نہ پوچھئے گا نبی کے فراق میں
ثابت ہے جیب ادھر تو ادھر آستیں نہیں
Wahshat na poochiye ga Nabi ke faraq mein
Saabit hai jeeb udhar to udhar aasteen nahi
محبوب کبریا کے سوا اور کوئی نبی
محشر میں تخت خاص کا مسند نشیں نہیں
Mahboob e Kibriya ke siwa aur koi Nabi
Mahshar mein takht e khaas ka masnad nasheen nahi
دیکھے حدیث پاک کوئی چشم غور سے
وہ بات کون سی ہے جو حق الیقین نہیں
Dekhe hadees e paak koi chashm e ghaur se
Woh baat kaun si hai jo haq al yaqeen nahi
بیدم میں لکھتا نعت شہنشاہ مرسلیں
پر ہاتھ میں مرے پر روح الامیں نہیں
Bedam mein likhta naat e Shahenshah e mursaleen
Par haath mein mere par Rooh al Ameen nahi
Share This Naat
Share with friends and family
کہتا ہے کون آپ ہمارے قریں نہیں
بیدم شاہ وارثی