حرم کا دیدہ بیدار روضتہ الجنہ
ازل نما ، ابد آثار روضتہ الجنہ
Haram ka deeda bedar roztah-ul-jannah
Azal numa, abad asar roztah-ul-jannah
جہاں پہنچ کے سکوں پائے دیدہ بھی، دل بھی
وہ پُر بہار و پُر انوار روضتہ الجنہ
Jahan pohnch ke sukoon paye deeda bhi, dil bhi
Woh pur bahar o pur anwar roztah-ul-jannah
ہر اسطوانہ ہے عہدِ رسولؐ کا عکاس
نہ کیوں ہو اور ضیا بار روضتہ الجنہ
Har ustuwaana hai ehad-e-Rasulؐ ka akaas
Na kyon ho aur diya bar roztah-ul-jannah
سدا دکھاتا ہے خیر القرون کے منظر
ہے گویا آئنہ بردار روضتہ الجنہ
Sada dikhata hai khair-ul-qurun ke manzar
Hai goya aina bardar roztah-ul-jannah
مہک رہا ہے جو انفاسِ زیست پرور سے
وہ حسن و خیر کا گلزار روضتہ الجنہ
Mehak raha hai jo anfaas-e-zeest parwar se
Woh husn o khair ka gulzar roztah-ul-jannah
بہارِ زیست ہے وہ روضہ جانِ اہلِ نظر
نشاطِ خاطرِ ابرار روضتہ الجنہ
Bahaar-e-zeest hai woh roza jaan-e-ahl-e-nazar
Nishat-e-khatar-e-abrar roztah-ul-jannah
Share This Naat
Share with friends and family
حرم کا دیدہ بیدار روضتہ الجنہ
حفیظ تائب