تیرے ہر اک کمال کو تَفرید گَہ کہوں
گر شرع اذن دے ، تجھے توحید گہ کہوں
Tere har ak kamaal ko tafreed gah kahun
Gar shara ezn de, tujhe touheed gah kahun
دیکھا ہے جس نے ناخنِ پا کے ہلال کو
اس خوش نصیب آنکھ کو میں عید گہ کہوں
Dekhha hai jis ne naakhun-e-pa ke hilaal ko
Us khush naseeb aankh ko mein eid gah kahun
بے مثل آئِنہ ! اے جبینِ شہِ عرب !
تجھ کو علومِ لَوح کی تقیید گہ کہوں
Be misal aina! Ae jabeen-e-sheh-e-arab!
Tujh ko uloom-e-loh ki taqeed gah kahun
اِثبات و مَحو پر تجھے قدرت ہے خطِّ کَف !
تجھ کو شقاوتوں کی میں تَسعید گہ کہوں
Isbat o mahw par tujhe qadrat hai kht-e-kaf!
Tujh ko shaqawatun ki mein tasid gah kahun
تشریح ِ لفظِ اوّلِ کُن یوں کروں بیاں
تجھ کو ظہورِ خلق کی تمہید گہ کہوں
Tashreeh-e-lafz-e-awwal-e-kun yun karun bayaan
Tujh ko zahoor-e-khalq ki tamheed gah kahun
اللّٰہ نے کہا تجھے " بِھُدٰھُمُ اقْتَدِہ "
کُل اہلِ مَجد کی تجھے تمجید گہ کہوں
Allah ne kaha tujhe "bihudhum uqtadeh"
Kul ahl-e-majd ki tujhe tamjeed gah kahun
گِرہیں کُھلیں گی اس سے ہی بخششِ کی حشر میں
زلفِ دوتا کو کس لیے تعقید گہ کہوں ؟
Girhein khuleingi is se hi bakhshish-e-hashr mein
Zulf-e-dota ko kis liye taqeed gah kahun?
تسکینِ دل ہے رنج میں اِک مصرعِ رضا
؏’’حرماں نصیب ہوں تجھے امّید گہ کہوں‘‘
Taskeen-e-dil hai ranj mein ik misra-e-raza
''Harmannaseeb hun tujhe ummid gah kahun''
سونپِیں خدا نے تجھ کو خزانوں کی کنجیاں
دستِ کرم کو جُود کی تحدید گہ کہوں
Sonpein khuda ne tujh ko khazanon ki kunjiyaan
Dast-e-karam ko jood ki tahdeed gah kahun
اہلِ حبش ہوںجس کی عنایت سے رشکِ حور
اس آنکھ کو مُبَیِّضِ تسوید گہ کہوں
Ahl-e-habash hoon jis ki inayat se rashk-e-hoor
Us aankh ko mubayid tasweed gah kahun
اے نقشۂِ جمال و جلالِ خدا ! تجھے
ہر ماسِوا کے نقش کی تردید گہ کہوں
Ae naqsha-e-jamaal o jalaal-e-khuda! Tujhe
Har ma-siwa ke naqsh ki tardeed gah kahun
نورِ خدا کے فیض سے ذرّے ہیں رشکِ مہر
ارضِ مدینہ پاک کو خورشید گہ کہوں
Noor-e-khuda ke faiz se zarre hain rashk-e-mehr
Arz-e-madina paak ko khursheed gah kahun
تقسیمِ رزق اور شفاعت کی رُو سے میں
دونوں جہان کی تجھے امّید گہ کہوں
Taqseem-e-rizq aur shafaat ki roo se mein
Dono jahan ki tujhe ummid gah kahun
ناقہ سوارِ طیبہ مہاروں کو موڑ دے
اب تو میں اپنے گھر کو تِری دید گہ کہوں
Naqa sawaar-e-taiba mihaaron ko mod de
Ab to mein apne ghar ko teri deed gah kahun
انداز اور بھی ہیں اگرچہ بھلے، مگر
طرزِ رضا کو نعت میں تقلید گہ کہوں
Andaaz aur bhi hain agarche bhale, magar
Tarz-e-raza ko naat mein taqleed gah kahun
احمد کا مدح گو ہے معظمؔ خدا فقط
ذاتِ محمّدی کو ہی تحمید گَہ کہوں
Ahmed ka madh go hai Moazzam khuda faqat
Zaath-e-Muhammad ko hi tahmeed gah kahun
Share This Naat
Share with friends and family
تیرے ہر اک کمال کو تَفرید گَہ کہوں
معظم سدا معظم مدنی