اک مصرعۂ ثنا جو کھلا آسماں کی سمت
چشمِ کریم ہونے لگی عاصیاں کی سمت
Ik misra-e-sana jo khula aasman ki simt
Chashm-e-kareem hone lagi aasiyaan ki simt
رندوں کا یہ ہجوم ہے کیوں میکدے میں آج
کیوں جا رہے ہیں آج وہ پیرِ مغاں کی سمت
Rindon ka yeh hujoom hai kyon maikade mein aaj
Kyon ja rahe hain aaj woh peer-e-mughan ki simt
ہیں غمزدوں کے حال سے ہر حال با خبر
کرتے ہیں التفات وہ آہ و فغاں کی سمت
Hain ghamzadun ke haal se har haal ba khabar
Karte hain iltifaat woh aah-o-fughan ki simt
سدرہ پہ جا کے رک گئے روح الامین بھی
میرے حضور بڑھ گئے ہیں لامکاں کی سمت
Sidra pe ja ke ruk gaye ruh-ul-amin bhi
Mere Huzoor barh gaye hain la-makaan ki simt
رحمت ہے دو جہان کو میرے نبی کی ذات
تکتے ہیں چین کے لئے تسکینِ جاں کی سمت
Rehmat hai do jahan ko mere NABI ki zaat
Takte hain chain ke liye taskeen-e-jaan ki simt
ورثہ ملا ہے حضرتِ حسان کا جسے
بڑھنے لگیں محبتیں اس نعت خواں کی سمت
Virsa mila hai Hazrat-e-Hassan ka jise
Barhne lagein muhabbatein us naat khwan ki simt
مشکل نے جب کبھی بھی پریشاں کیا مجھے
دیکھا نظر اٹھا کے اسی مہرباں کی سمت
Mushkil ne jab kabhi bhi pareshaan kiya mujhe
Dekha nazar utha ke usi mehrbaan ki simt
آتے نہیں ہیں مجھ سے گنہ گار ہی فقط
قدسی بھی آ رہے ہیں ترے آستاں کی سمت
Aate nahi hain mujh se gunahgar hi faqat
Qudsi bhi aa rahe hain tere aastan ki simt
مجھے کو ملے حضور کی پہچان اے خدا
میں جا رہا ہوں قبر میں اک امتحاں کی سمت
Mujhe ko mile Huzoor ki pehchaan ae Khuda
Main ja raha hoon qabr mein ik imtihaan ki simt
لیتے ہی نام سرورِ کونین کا جلیل
راحت بڑھا رہی ہے قدم ناتواں کی سمت
Lete hi naam Sarwar-e-Konain ka Jaleel
Raahat barha rahi hai qadam natawaan ki simt
Share This Naat
Share with friends and family
اک مصرعۂ ثنا جو کھلا
حافظ عبدالجلیل