بنی اے جان تے بھاری مصیبت یارسولؐ اللہ
لوو ساراں کہ وگڑی اے طبیعت یارسولؐ اللہ
Bani ay jaan te bhaari museebat ya Rasool ﷺ Allah
Loow saaraan keh wagri ay tabiyat ya Rasool ﷺ Allah
تہاڈے واسطے دے نال کرناں عرض رب اگّے
کہ ویکھاں چھیتی میں صحت دی صورت یا رسولؐ اللہ
Tahaday waaste de naal karnan arz rab aggay
Ke wekhaan cheti main sehat di surat ya Rasool ﷺ Allah
طریقہ صبر پچھوں شکر والا بُھل دا جاندا اے
مَیں قائم رکھ سکاں کجھ تہاڈی سُنت یارسولؐ اللہ
Tareeka sabar pachhon shukar wala bhul da jaanda ay
Main qaaim rakh sakaan kujh tahadi sunat ya Rasool ﷺ Allah
ہے منزل ڈاہڈی اوکھی پیر نہ تھڑکے کِتے میرا
ہمیشہ نال ہووے تہاڈی رحمت یا رسولؐ اللہ
Hay manzil daadhi okhi peer na tharhkey kite mera
Hamesha naal hove tahadi rehmat ya Rasool ﷺ Allah
معافی رب دے کولوں لے دیا جے اپنے تائب ؔ نوں
ہوئی یاں ہو سی اُس کولوں جو غفلت یا رسولؐ اللہ
Maafi rab de kolon le diyaan je apne Taib ﷺ noon
Hoi yaan ho see us kolon jo ghaflat ya Rasool ﷺ Allah
مِرے پروار دی عزّت ودھاؤ یا رسولؐ اللہ
ہر اک اُتّے کرم دی جھات پاؤ یا رسولؐ اللہ
Mere parwaar di izzat wadhawo ya Rasool ﷺ Allah
Har ik utte karam di jhaat paawo ya Rasool ﷺ Allah
تری اُمّت دا مندا حال اے دو جگ دیا شاہاؐ
توجہ نال روگ ایہدے گواؤ یا رسولؐ اللہ
Teri ummat da manda haal ay do jag diya Shaah ﷺ
Tawajjo naal rog ehde gawawo ya Rasool ﷺ Allah
ایہہ تکّے ہتھ غیراں دے رُلے نہیرے دی گھاٹی وچ
دھیان ایہدا ربّ اپنے ول لواؤ یا رسول ؐ اللہ
Aih takkey hath gheraan de rulay nahiray di ghaati vich
Dhiyan ehda rab apne wal lawao ya Rasool ﷺ Allah
بھٹکدی پھر رہی اے قوم تیری او کڑاں اندر
ایہنوں مڑ اپنے رستے تے چلاؤ یارسولؐ اللہ
Bhatakdi phir rahee ay qaum teri o karran andar
Ehnoo mud apne raste te chalao ya Rasool ﷺ Allah
مسلماناں دے ول جو اٹھدیاں ہر دم نظر آون
اوہناں سبھ آفتاں کولوں بچاؤ یا رسولؐ اللہ
Musalmanan de wal jo uthdiyan har dam nazar aawan
Ohnan sabh aafataan kolon bachao ya Rasool ﷺ Allah
ربّ اگے عرض کر اچا تری امت دا سر ہووے
گواچی ہوئی تھاں سانوں دواؤ یا رسولؐ اللہ
Rab agge arz kar acha teri ummat da sar hove
Gawachi hoi thaan saanun duwao ya Rasool ﷺ Allah
Share This Naat
Share with friends and family
بنی اے جان تے بھاری مصیبت یارسولؐ اللہ
حفیظ تائب