جامع الحسنات ہیں وہ ارفع الدرجات وہ
اس جہاں کے اُس جہاں کے نوشہ وہ بارات وہ
Jaami-ul-Hasanaat hain woh arfa-ud-darajaat woh
Is jahan ke us jahan ke nausha woh barat woh
حسنِ توریت و زبور انجیل و قرآن کا جمال
شجرۂ حرفِ بخاری طرّۂ مشکوٰۃ وہ
Husn-e-Taurit o Zaboor Injeel o Quran ka jamal
Shajra-e-Harf-e-Bukhari tara-e-Mishkat woh
ہر عبارت ہے ادھوری ان کی شرکت کے بغیر
ہر دعا کے آگے پیچھے جانِ التّحیات وہ
Har ibarat hai adhoori un ki shirkat ke baghair
Har dua ke aage peechhe jaan-e-At-tahiyyat woh
مورثِ زہد و تصوف موجدِ عشق و جہاد
غار میں مصروف گریہ قائدِ غزوات وہ
Warith-e-Zohed o Tasawwuf mojad-e-Ishq o Jihad
Ghaar main masroof girya qaed-e-Ghazawaat woh
میرا ایماں ہے بتا دیتا ہے خود ان کو خدا
رکھتے ہیں ہر علم ناموجود و موجودات وہ
Mera imaan hai bata deta hai khud un ko Khuda
Rakhte hain har ilm namojood o mojoodaat woh
شکرِ رب کرتے ہوئے ان کی زباں تھکتی نہیں
ہاتھ کا لقمہ بھی کر دیتے ہیں جب خیرات وہ
Shukr-e-Rab karte hue un ki zubaan thakti nahi
Hath ka lukma bhi kar dete hain jab khairaat woh
کیا ہے فرقِ بندہ و مولا مظفر کیا خبر
آنکھ وہ ہیں حق تعالیٰ کی زباں وہ ہاتھ وہ
Kya hai farq-e-banda o Maula Muzaffar kya khabar
Aankh woh hain Haq Ta'ala ki zubaan woh hath woh
وہ جاری و ساری مسلسل ہیں وہ
کسی رخ سے دیکھو مکمّل ہیں وہ
Woh jari o sari musalsal hain woh
Kisi rukh se dekho mukammal hain woh
زمیں آسماںٗ آپ کے معتقد
وہ ہر راز کے شارحِ منفرد
Zameen aasmaan aap ke mutaqid
Woh har raaz ke sharah-e-munfarid
وہ شاہد وہ منذر بشیر و نذیر
وہ ہادیِ دارین خیرِ کثیر
Woh Shahid woh Munzir Basheer o Nazeer
Woh Haadi-e-Darain Khair-e-Kathir
غلط بندھنوں سے دلائیں نجات
اکیلے بھی وہ رونقِ کائنات
Ghalat Bandhanon se dilayen nijaat
Akele bhi woh ronak-e-kainaat
اتالیق قرآن و حکمت ہیں وہ
رفیقِ بلندی و رفعت ہیں وہ
Ataleeq Quran o Hikmat hain woh
Rafiq-e-Bulandi o Rif'at hain woh
و ہ سالار کونین عالم پناہ
وہی ہیں ہمارے تمہارے گواہ
Woh salar konain alam panah
Wohi hain hamare tumhare gawah
وہ ہر زخم خفیہ کے ہیں چارہ گر
وہ بینائی افروز نظّارہ گر
Woh har zakhm khufia ke hain charah gar
Woh beenaai afroz nazarah gar
میر حرم خسروِ بحر و بر
وہ نورٌ علیٰ نور خیر البشر
Meer-e-Haram Khusrow-e-Bahr o Barr
Woh Noorun Ala Noor Khair-ul-Bashar
کریں جس کی سانسوں کا وہ تذکیہ
بدل ڈالیں اندر کا جغرافیہ
Karein jis ki saanson ka woh tazkiyah
Badal dalen andar ka jughrafiyah
وہ اولاد سے باپ ماں سے عزیز
وہ ہر اہل ایماں کو جاں سے عزیز
Woh aulaad se baap maa se aziz
Woh har Ahl-e-Imaan ko jaan se aziz
مہ و کہکشاں کے مسافر حضورؐ
پس غیب و غائب ہیں حاضر حضورؐ
Mah o Kehkashaan ke musafir Huzoor
Pas Ghaib o Ghaib hain haazir Huzoor
قلم ہیں وہی لوح و کاغذ وہی
ہر اک فلسفے کا ہیں ماخذ وہی
Qalam hain wohi loh o kaaghaz wohi
Har ik falsafe ka hain maakhaz wohi
صدا معجزہ ہے جھلک معجزہ
وہ ہیں سر سے پیروں تلک معجزہ
Sada mo'jiza hai jhalak mo'jiza
Woh hain sar se pairon talak mo'jiza
ثنا ہے ادھوری جہاں تک لکھوں
میں اُن کو کہاں سے کہاں تک لکھوں
Sana hai adhoori jahan tak likhon
Main un ko kahan se kahan tak likhon
Share This Naat
Share with friends and family
جامع الحسنات ہیں وہ ارفع الدرجات وہ
مظفر وارثی