درونِ دل محبتوں کا اعتکاف ہو گیا
حضور نے کرم کیا تو دل مطاف ہو گیا
Daron-e-dil mohabbatoon ka aitkaaf ho gaya
Huzoor ne karam kiya to dil mataaf ho gaya
اڑائی گردِ معصیت درود کے جمال نے
ہمارے دل کے آئینے سے میل صاف ہو گیا
Urai gard-e-ma'siyat durood ke jamaal ne
Hamare dil ke aaine se mel saaf ho gaya
مشامِ جاں میں عشقِ مصطفیٰ کی روشنی بسی
تو ظلمتوں کے موسموں سے اختلاف ہو گیا
Mashaam-e-jaan mein ishq-e-Mustafa ki roshni basi
To zulmaton ke mausamon se ikhtilaaf ho gaya
عطا بہت عظیم ہے یہ لم یزل کریم کی
حضور کی طرف ہمارا انعطاف ہو گیا
Ata bohot azeem hai yeh lam yazal kareem ki
Huzoor ki taraf hamara in'etaaf ho gaya
ظہور ہو گیا ہے آفتابِ نیم روز کا
نظر نظر پہ روشنی کا انکشاف ہو گیا
Zahoor ho gaya hai aafataab-e-neem roz ka
Nazar nazar pe roshni ka inkishaaf ho gaya
کسی نے حالِ زار پوچھنا کہاں تھا حشر میں
شفاعتوں سے جرمِ معصیت معاف ہو گیا
Kisi ne haal-e-zaar poochhna kahan tha hashr mein
Shafaaton se jurm-e-ma'siyat maaf ho gaya
اشارہ شاہِ بحر و بر نے چاند کی طرف کیا
جگر قمر کا ایک پل میں شین قاف ہو گیا
Ishaara Shah-e-Bahr-o-Bar ne chaand ki taraf kiya
Jigar qamar ka aik pal mein sheen qaaf ho gaya
Share This Naat
Share with friends and family
درونِ دل محبتوں کا اعتکاف ہو گیا
اشفاق احمد غوری