جو دیکھنے میں بڑے دیدہ ور نظر آئے
ترے حضور سبھی بے ہُنر نظر آئے
Jo dekhne mein bare deedah war nazar aaye
Tere huzoor sabhi be-hunar nazar aaye
خلاؤں سے کہیں آگے مِلا مقامِ بشر
فرازِ عرش تری رہگذر نظر آئے
Khalaoon se kahin aage mila maqam-e-bashar
Faraz-e-arsh teri rehguzar nazar aaye
وہ آئینہ ہے ترا حُسنِ آئینہ تمثال
جس آئینے میں خود آئینہ گر نظر آئے
Woh aaina hai tera husn-e-aaina tamsal
Jis aaine mein khud aaina gar nazar aaye
تجلّیوں میں نہائی ہُوئی سحر کی طرح
ترے دیار کے دیوار و در نظر آئے
Tajalliyon mein nahayi hui sehar ki tarah
Tere dayar ke deewar o dar nazar aaye
محیط ہے کئی صدیوں پہ اک وہ لمحۂ دید
جو مختصر سے بھی کچھ مختصر نظر آئے
Muheet hai kayi sadiyon pe ik woh lamha-e-deed
Jo mukhtasir se bhi kuch mukhtasir nazar aaye
تُو مِل گیا تو یہ خواہش بھی مٹ گئی دل سے
کہ خوب سے بھی کوئی خوب تر نظر آئے
Tu mil gaya to ye khwahish bhi mit gayi dil se
Ke khub se bhi koi khub tar nazar aaye
کس آفتاب صِفّت حُسن کا دیار ہے یہ
کہ ذرّہ ذرّہ جہاں خود نگر نظر آئے
Kis aftaab sifat husn ka dayar hai ye
Ke zarra zarra jahan khud nagar nazar aaye
زبانِ نعت کو مِل جائے گر نوائے غزل
تو جُوئے آب میں موجِ شرر نظر آئے
Zabaan-e-naat ko mil jaye gar nawa-e-ghazal
To joo-e-aab mein mauj-e-sharar nazar aaye
دبی ہوئی ہے کوئی آگ گوشۂ دل میں
ردائے شب میں فروغِ سحر نظر آئے
Dabi hui hai koi aag gosha-e-dil mein
Rada-e-shab mein furoog-e-sehar nazar aaye
جبینِ عشق ادب آموز ہے ابھی ، ورنہ
قدم قدم پہ ترا سنگِ در نظر آئے
Jabeen-e-ishq adab amoz hai abhi, warna
Qadam qadam pe tera sang-e-dar nazar aaye
مرا کریم بھی کیسا کریم ہے اعظؔم
کہ میرا عیب بھی جس کو ہنر نظر آئے
Mera Kareem bhi kaisa Kareem hai Aazm
Ke mera aib bhi jis ko hunar nazar aaye
Share This Naat
Share with friends and family
جو دیکھنے میں بڑے دیدہ ور نظر آئے
محمد اعظم چشتی