ہم کو پتہ ہے شمس یہ ضوافگنی کا راز
نورِ رسول ہے تری تابندگی کا راز
Hum ko pata hai shams ye zawaafgani ka raaz
Noor-e-rasool hai teri taabendgi ka raaz
ہر ذرہ آفتاب ہے ان کے دیار کا
یہ ہے نبی کے شہر کی تابندگی کا راز
Har zarra aaftaab hai un ke diyar ka
Ye hai nabi ke shehar ki taabendgi ka raaz
آرام گاہِ سرورِ کونین تجھ میں ہے
طیبہ میں جانتا ہوں تری دلکشی کا راز
Aaraam gaah-e-sarwar-e-kainat tujh mein hai
Tayba mein jaanta hoon teri dilkashi ka raaz
عکسِ جمالِ شاہ ہدیٰ میں نہاں ملا
گلشن ترے گلاب کی اس تازگی کا راز
Aks-e-jamaal-e-shah-e-huda mein nahan mila
Gulshan tere gulaab ki is tazaagi ka raaz
نادان! چشمِ عشق و عقیدت سے پڑھ ذرا
قرآں کی آیتوں میں ہے نعتِ نبی کا راز
Naadaan! chashm-e-ishq o aqeedat se parh zara
Quraan ki aayaton mein hai naat-e-nabi ka raaz
طیبہ بلا کے مجھ کو کریں گے عطا قرار
سرکار کو پتہ ہے مری بے کلی کا راز
Tayba bula ke mujh ko karenge ata qaraar
Sarkar ko pata hai meri be-kali ka raaz
یہ میرے مصطفےٰ کا کرم ہی تو ہے شفیق ؔ
افشا نہیں ہوا ہے مری کج روی کا راز
Ye mere Mustafa ka karam hi to hai Shafeeq
Afsha nahi hua hai meri kaj rwi ka raaz
Share This Naat
Share with friends and family
ہم کو پتہ ہے شمس یہ ضوافگنی کا راز
شفیق ؔ رائے پوری