آواز دی تو رحمتِ سرکار رک گئی
جو دِل پہ چل رہی تھی وہ تلوار رُک گئی
Awaaz di to rehmat-e-sarkar ruk gayi
Jo dil pe chal rahi thi woh talwaar ruk gayi
جاتا ہُوا وقار مِلا اُن کے نام پر
سر سے گری تو ہاتھ پہ دستار رُک گئی
Jaata hua waqar mila unke naam par
Sar se giri to haath pe dastar ruk gayi
اِک دائرہ سا اُن کا مرے گرد کھینچ کر
میرے تصوّرات کی پرکار رُک گئی
Ik daaira sa unka mere gird kheench kar
Mere tasawuraat ki parkaar ruk gayi
جب ذہن سب بلندیاں تسخیر کر چُکا
غارِ حِرا پہ رفعتِ افکارِ رُک گئی
Jab zehan sab bulandiyan taskheer kar chuka
Ghaar-e-hira pe rifat-e-afkaar ruk gayi
پابندِ روز و شب نہ تھی معراجِ مصطفےٰ
جب وہ چلے تو وقت کی رفتار رُک گئی
Paband-e-roz o shab na thi mairaaj-e-Mustafa
Jab woh chale to waqt ki raftaar ruk gayi
روضے کو دیکھتے ہی میں سکتے میں آگیا
یا پُتلیوں میں خواہش دیدار رُک گئی
Roze ko dekhte hi main sakte mein aagaya
Ya putliyon mein khwahish-e-deedaar ruk gayi
مَیں ساحلِ حضور سے جب لَوٹنے لگا
ایسا لگا کہ زندگی اُس پار رُک گئی
Main sahil-e-huzoor se jab lautne laga
Aisa laga ke zindagi us paar ruk gayi
عشقِ نبی نے مُجھ کو مظفّؔر بچا لِیا
جو مُجھ میں گِر رہی تھی وُہ دیوار رُک گئی
Ishq-e-nabi ne mujh ko Muzaffar bacha liya
Jo mujh mein gir rahi thi woh deewar ruk gayi
Share This Naat
Share with friends and family
آواز دی تو رحمتِ سرکار رک گئی
مظفر وارثی