دل کی تسکیں کیلئے چھیڑئیے دلدار کی بات
والضحیٰ روئے حسیں کی لب و رُخسار کی بات
Dil ki taskeen ke liye chhediye dildar ki baat
Wazzuha roye haseen ki lab o rukhsar ki baat
دیکھ کر تجھ کو زمانے نے ہے مانا رب کو
کس قدر ارفع و اعلیٰ ترے دیدار کی بات
Dekh kar tujh ko zamane ne hai mana Rab ko
Kis qadar arfa o aala tere deedaar ki baat
آپ کا واسطہ دے کر جو پکارا رب کو
بن گئی بن گئی پھر مجھ سے گنہگار کی بات
Aap ka wastah de kar jo pukaara Rab ko
Ban gayi ban gayi phir mujh se gunaahgar ki baat
اہلِ اسلام کو یورپ کا نہ منشور سنا
حاکمِ وقت کرو بس مری سرکارؐ کی بات
Ahl-e-Islam ko Europe ka na manshoor suna
Haakim-e-waqt karo bas meri Sarkaar ki baat
اولاً ہم ہی کٹائیں گے ترے نام پہ سر
واہ کیا بات ہے آقاؐ ترے انصار کی بات
Awalan hum hi kataain ge tere naam pe sar
Wah kya baat hai Aaqa tere ansar ki baat
روزِ محشر کا بھی سوچیں ذرا وہ دانش ور
دین کو چھوڑ کے کرتے ہیں جو اغیار کی بات
Roz-e-mahshar ka bhi sochein zara wo danishwar
Deen ko chhod ke karte hain jo aghyar ki baat
سارے اصحابؓ ہی انمول ہیں آقاؐ تیرے
پر جداگانہ تھی صدیقِؓ وفادار کی بات
Saray Ashab hi anmol hain Aaqa tere
Par jadagana thi Siddiq-e wafadar ki baat
دست بستہ ہوا ہر حرف یہی کہہ کے شکیلؔ
کون کرسکتا ہے آقاؐ ترے معیار کی بات
Dast basta hua har harf yehi keh ke Shakeel
Kaun kar sakta hai Aaqa tere mayaar ki baat
Share This Naat
Share with friends and family
دل کی تسکیں کیلئے چھیڑئیے دلدار کی بات
محمد شکیل نقشبندی