آپ آقائے دو عالم سیّدِ ابرار آپؐ
آپ ہیں محبوبِ رب کونین کے سردار آپ
Aap aqaye do aalam sayyide abrarr aap
Aap hain mehboobe Rabb konain ke sardar aap
آپ ہیں علمِ لدنی کے شناور مصطفیٰؐ
واقفِ سرِ نہاں ہیں کاشفِ اسرار آپؐ
Aap hain ilm-e-ladunni ke shanawar Mustafaؐ
Waaqif-e-sar-e-nahan hain kashif-e-asrar aapؐ
آپ کے صدقے ہے نور و نکہتِ ارض و سما
وجہِ تخلیقِ دو عالم ہیں شہِ ابرار آپؐ
Aap ke sadqe hai noor o nikkhat-e-arz o sama
Wajah-e-takhleeq-e-do aalam hain sheh-e-abrarr aapؐ
بن کے آئے غم نصیبوں کے لیے راحت رساں
اے انیسِ بے کساں اے مونس و غم خوار آپؐ
Ban ke aaye gham naseebon ke liye rahat rasan
Ae anees-e-be kasaan ae moones o gham khwar aapؐ
آپ ساقی سلسبیل و کوثر و تسنیم کے
نعمتِ کونین کے ہیں مالک و مختار آپؐ
Aap saqi salsabeel o kausar o tasneem ke
Nemat-e-konain ke hain malik o mukhtar aapؐ
آپ کو رب نے چنا ہے رہبری کے واسطے
ختمِ مرسل آپ ہیں نبیوں کے ہیں سردار آپؐ
Aap ko Rabb ne chuna hai rahbari ke wastay
Khatm-e-mursaleen aap hain nabiiyon ke hain sardar aapؐ
جھوم جائیں گے خوشی سے آپ کے سچّے غلام
قبر میں جس دم عطا فرمائیں گے دیدار آپؐ
Jhoom jaayenge khushi se aap ke satchay ghulam
Qabr mein jis dam ataa farmaayenge deedaar aapؐ
ہے یقیں ہم عاصیوں کا حشر کے منجدھار سے
شافعِ روزِ جزا کردیں گے بیڑا پار آپؐ
Hai yaqeen hum aasioun ka hashr ke manjhdaar se
Shafi-e-roz-e-jaza kardeinge beaRa paar aapؐ
دیکھ لے گا جیتے جی احسنؔ بھی طیبہ ایک دن
ایک بار اذنِ حضوری دیں اگر سرکار آپؐ
Dekh le ga jeete jee Ahsan bhi Tayaba aik din
Aik baar izn-e-Huzuri dein agar Sarkar aapؐ
Share This Naat
Share with friends and family
آپ آقائے دو عالم سیّدِ ابرار آپؐ
احسن اعظمی