خُدا کرے یوں بھی ہو کہ اب فکرِ دانہ دوام ہو نہ کوئی
ثنائے سرکارِ دو جہاں کے سوا مجھے کام ہو نہ کوئی
Khuda karey yun bhi ho ke ab fikr-e dana dawam ho na koi
Sanaye sarkar-e do jahan ke siwa mujhe kaam ho na koi
اُتر کر اُس پار ، ڈُوب جاؤں میں خود میں خود کو نظر نہ آؤں
ہر آدمی جانتا ہے مُجھ کو ، مگر مِرا نام ہو نہ کوئی
Utar kar us paar, doob jaaun main khud mein khud ko nazar na aaun
Har aadmi jaanta hai mujhko, magar mera naam ho na koi
سماں ہو ہر وقت میرے گھر کا طلوع ہوتی ہوئی سحر کا
مَیں جس کے سائے کی سلطنت میں رہوں وہاں شام ہو نہ کوئی
Samaan ho har waqt mere ghar ka talooh hoti hui sehar ka
Main jis ke saaye ki saltanat mein rahun wahan shaam ho na koi
یہی دُعا ہے مری خُدا سے ، محمّد ؐ مصطفےٰ کے صدقے
مرے وطن ‘ میری سر زمیں پر ‘ حریف اِسلام ہو نہ کوئی
Yahi dua hai meri Khuda se, Muhammad ﷺ Mustafa ke sadqe
Mere watan ‘ meri sar zameen par ‘ hareef Islam ho na koi
سدا جو اوڑھے پھرے مظفّؔر تصوّرِ مصطفےٰؐ کی چادر
اُسی میں میّت لپیٹ دینا بس اور احرام ہو نہ کوئی
Sada jo odhe phire Muzaffar tasawwur-e Mustafaﷺ ki chadar
Usi mein mayyat lapet dena bas aur ahraam ho na koi
Share This Naat
Share with friends and family
خُدا کرے یوں بھی ہو کہ اب
مظفر وارثی