نبیؐ کے پائے اقدس سے ہے مجھ کو رابطہ رکھنا
فرشتو سنگ اسود تک لحد میں راستہ رکھنا
Nabiؐ ke paaye aqdas se hai mujh ko rabta rakhna
Farishto sang aswad tak lahd mein rasta rakhna
شہیدانِ محبت کے لئے یہ رزق کافی ہے
درودوں کا سلاموں کا زباں پر ذائقہ رکھنا
Shaheedan-e-mohabbat ke liye yeh rizq kafi hai
Duroodon ka salaamon ka zabaan par zaiqa rakhna
مکاں میں رہ کے سیر لامکاں کرنے کی خواہش ہے
تو در ہی در کُھلیں گے ایک در سے واسطہ رکھنا
Makan mein reh ke sair laamakan karne ki khwahish hai
To dar hi dar khulein ge aik dar se wasta rakhna
لِٹا کر قبر میں جب خاک مجھ پر ڈال دی جائے
تو کتبے کی جگہ ٹُوٹا ہوا اک آئنہ رکھنا
Lita kar qabr mein jab khaak mujh par daal di jaye
To kutbe ki jagah toota hua aik aaina rakhna
علیحدہ ہو کے بھی ملتی رہے گی زندگی تم سے
مظفر موت کا مرنے سے پہلے تجربہ رکھنا
Alahida ho ke bhi milti rahe gi zindagi tum se
Muzaffar maut ka marne se pehle tajurba rakhna
Share This Naat
Share with friends and family
نبیؐ کے پائے اقدس سے ہے مجھ کو رابطہ رکھنا
مظفر وارثی