واہ کیاجُود و کرم ہے شَہِ بَطْحا تیرا
نہیں ُسنتا ہی نہیں مانگنے والا تیرا
Wah kya jood o karam hai shah-e-Bat'ha tera
Nahin sunta hi nahin maangne wala tera
دھارے چلتے ہیں عطا کے وہ ہے قطرہ تیرا
تارے کِھلتے ہیں َ َسخا کے وہ ہے ذَرّہ تیرا
Dhare chalte hain ata ke woh hai qatra tera
Tare khilte hain sakha ke woh hai zarra tera
فیض ہے یا شَہِ تسنیم نِرالا تیرا
آپ پیاسوں کے تَجَسُّس میں ہے دریا تیرا
Faiz hai ya shah-e-Tasneem nirala tera
Aap pyason ke Tajussus mein hai darya tera
اَغنیا پلتے ہیں دَر سے وہ ہے باڑا تیرا
اَصفیا چلتے ہیں سر سے وہ ہے رَستا تیرا
Aghniya palte hain dar se woh hai bara tera
Asfiya chalte hain sar se woh hai rasta tera
فرش والے تِری شوکت کا عُلو کیا جانیں
خُسروا عرش پہ اُڑتا ہے پَھریرا تیرا
Farsh wale teri shaukat ka ulo kiya janein
Khusrawa arsh pe urta hai phareera tera
آسماں خوان، زمیں خوان، زمانہ مہمان
صاحبِ خانہ لقب کس کا ہے تیرا تیرا
Aasman khwaan, zameen khwaan, zamana mehmaan
Sahib-e-Khana laqab kis ka hai tera tera
میں تو مالِک ہی کہوں گا کہ ہو مالِک کے حبیب
یعنی محبوب و محب میں نہیں میرا تیرا
Main to Malik hi kahunga ke ho Malik ke Habeeb
Yani Mehboob o Mahib mein nahin mera tera
تیرے قدموں میں جو ہیں غیر کا منہ کیا دیکھیں
کون نظروں پہ چڑھے دیکھ کے تلوا تیرا
Tere qadmon mein jo hain gher ka munh kya dekhein
Kaun nazron pe charhe dekh ke talwa tera
بحر سائل کا ہوں سائل نہ کنوئیں کا پیاسا
خود بجھا جائے کلیجا مِرا چھینٹا تیرا
Bahar sail ka hoon sail na kunein ka pyasa
Khud bujha jaye kalija mera chhenta tera
چور حاکم سے چھپا کرتے ہیں یاں اس کے خلاف
تیرے دامن میں چُھپے چور انوکھا تیرا
Chor haakim se chhupa karte hain yahan us ke khilaf
Tere daman mein chupe chor anokha tera
آنکھیں ٹھنڈی ہوں جگر تازے ہوں جانیں سیراب
سچّے سورج وہ دِل آرا ہے اُجالا تیرا
Aankhen thandi hon jigar taze hon janein serab
Sache sooraj woh dil ara hai ujala tera
دِل عبث خوف سے پتّا سا اُڑا جاتا ہے
پلّہ ہلکا سہی بھاری ہے بھروسا تیرا
Dil abath khauf se patta sa ura jata hai
Pulla halka sahi bhaari hai bharosa tera
ایک میں کیا مِرے عِصیاں کی حقیقت کتنی
مجھ سے سو لاکھ کو کافی ہے اِشارہ تیرا
Ek main kya mere 'isyan ki haqeeqat kitni
Mujh se soo lakh ko kaafi hai ishaara tera
مُفت پالا تھا کبھی کام کی عادت نہ پڑی
اب عمل پوچھتے ہیں ہائے نِکمَّا تیرا
Moft pala tha kabhi kaam ki aadat na pari
Ab amal poochte hain haay nikamma tera
تیرے ٹکڑوں سے پلے غیر کی ٹھوکر پہ نہ ڈال
جِھڑکیاں کھائیں کہاں چھوڑ کے صَدقہ تیرا
Tere tukron se pale gher ki thokar pe na dal
Jhidkiya khaayein kahan chhod ke sadqa tera
خوار و بیمار و خطا وار و گنہ گار ہوں میں
رافع و نافع و شافع لقب آقا تیرا
Khawar o beemaar o khatavar o gunahgaar hoon main
Rafi' o nafi' o shafi' laqab aaqa tera
میری تقدیر بُری ہو تو بھلی کر دے کہ ہے
محو و اثبات کے دفتر پہ کڑوڑا تیرا
Meri taqdeer buri ho to bhali kar de ke hai
Mahav o asbat ke daftar pe kardoora tera
تُو جو چاہے تو ابھی میل مرے دل کے دُھلیں
کہ خُدا دِل نہیں کرتا کبھی مَیلا تیرا
Tu jo chahe to abhi meil mere dil ke dhulen
Ke khuda dil nahin karta kabhi meila tera
کس کا منہ تکیے کہاں جائیے کس سے کہیے
تیرے ہی قدموں پہ مِٹ جائے یہ پالا تیرا
Kis ka munh takein kahan jaiye kis se kahiye
Tere hi qadmon pe mit jaaye yeh pala tera
تو نے اِسلام دیا ُ تو نے جماعت میں لیا
تو کریم اب کوئی پھرتا ہے عطیَّہ تیرا
Tu ne Islam diya tu ne jama'at mein liya
Tu Kareem ab koi phirta hai atiya tera
موت ُسنتا ہوں سِتَم تَلْخ ہے زہرا بۂ ناب
کون لا دے مجھے َتلووں کا غَسالہ تیرا
Mout sunta hoon sitam talkh hai Zahra ba-nab
Kaun la de mujhe talwon ka ghasala tera
دُور کیا جانئیے بدکار پہ کیسی گزرے
تیرے ہی در پہ مَرے بیکس و تنہا تیرا
Dur kya jaaneeye badkar pe kaisi guzre
Tere hi dar pe mare bekas o tanha tera
تیرے صدقے مجھے اِک بوند بہت ہے تیری
جس دِن اَچّھوں کو مِلے جام چھلکتا تیرا
Tere sadke mujhe ik boond bohot hai teri
Jis din achon ko mile jaam chhalakta tera
حرم و طیبہ و بغداد جدھر کیجئے نِگاہ
جوت پڑتی ہے تِری نور ہے َ چھنتا تیرا
Haram o Taiba o Baghdad jidhar kijiye nigah
Jot padti hai teri noor hai chhanta tera
تیری سرکار میں لاتا ہے رضاؔ اُس کو شفیع
جو مِرا غوث ہے اور لاڈلا بیٹا تیرا
Teri Sarkar mein lata hai Raza us ko Shafee'
Jo mera Ghous hai aur ladla beta tera
Share This Naat
Share with friends and family
واہ کیاجُود و کرم ہے شَہِ بَطْحا تیرا
احمد رضا خان بریلوی