اِک ایسا فیضِ کرم چشمَِ التفات میں ہے
نبیؐ کا ذکر ہماری رگِ حیات میں ہے
Ik aisa faiz-e-karam chashma-e-iltifat mein hai
Nabi ka zikr hamari rag-e-hayat mein hai
زمیں سے تابہ فلک لامکاں سے آگے تک
کہ ذکر ساقیء کوثر کا کائنات میں ہے
Zameen se taba falak la-makaan se aage tak
Ke zikr saqi-e-Kausar ka kainaat mein hai
طلب کریں نہ کریں سب کو ہیں عطا کرتے
عطا و جُود و کرم آپؐ کی صفات میں ہے
Talab karein na karein sab ko hain ataa karte
Ataa o jood o karam aap ki sifaat mein hai
گزر گیا جو حبیبِؐ خدا کی چوکھٹ پر
وہ ایک لمحہ معظم مری حیات میں ہے
Guzar gaya jo Habib-e-Khuda ki chaukhat par
Wo ek lamha moazzam meri hayat mein hai
مرے قلم نے یہ اشفاقؔ اعتراف کیا
سرور و کیف عجب مصطفیٰؐ کی نعت میں ہے
Mere qalam ne yeh Ashfaq i'tiraaf kiya
Suroor o kaif ajab Mustafa ki naat mein hai
Share This Naat
Share with friends and family
اِک ایسا فیضِ کرم چشمَِ التفات میں ہے
اشفاق احمد غوری