اِذن طیبہ کا عطا ہو یا نبی خیرالبشر
یوں نِکھر جائے یہ میری زندگی خیرالبشر
Izhn Tayba ka ata ho ya Nabi Khair-ul-Bashar
Yun nikhar jaye ye meri zindagi Khair-ul-Bashar
نورِ ربُّ العالمیں ہیں کوئی بھی اُن سا نہیں
ہیں بشر سرکار لیکن حق یہی خیرالبشر
Noor-e-Rab-ul-Alameen hain koi bhi un sa nahi
Hain bashar Sarkar lekin haq yehi Khair-ul-Bashar
ہے نبوّت اور رِسالت کا اُنہیں پر اِختتام
رب کی جانب سے نبی ہیں آخری خیرالبشر
Hai nabuwat aur risalat ka unhi par ikhtitam
Rab ki janib se Nabi hain akhri Khair-ul-Bashar
گوشے گوشے سے جہاں کے دُور ظُلمت ہوگئی
ساتھ لائے اپنے ایسی روشنی خیرالبشر
Goshe goshe se jahan ke door zulmat hogayi
Saath laaye apne aisi roshni Khair-ul-Bashar
سابقہ ساعت سے آئندہ کی ہے بہتر گھڑی
رِفعتیں ہیں آپ کے وہ ذِکر کی خیرالبشر
Sabiqa sa'at se aayenda ki hai behtar ghari
Rif'atein hain aap ke woh zikr ki Khair-ul-Bashar
اُن کی رحمت کے میں قُرباں، وہ سدا کرتے رہے
عرض حق سے ربِّ ہَبْلِی اُمتی خیرالبشر
Un ki rehmat ke main qurban, woh sada karte rahe
Arz haq se Rab-e-Habli Ummat-e Khair-ul-Bashar
آپ ہی کے علم کی یہ بِالیقیں خیرات ہے
جِس کسی کو بھی مِلی ہے آگہی خیرالبشر
Aap hi ke ilm ki ye bilyaqeen khairaat hai
Jis kisi ko bhi mili hai aagahi Khair-ul-Bashar
عشقِ طیبہ میں تڑپتا ہی رہوں آقا مُدام
ہو عطا ایسی مجھے دیوانگی خیرالبشر
Ishq-e-Tayba mein tarapta hi rahun Aaqa mudam
Ho ata aisi mujhe deewangi Khair-ul-Bashar
اپنے مرزا کو طلب دربار میں پھر کیجئے
ہو مدینے میں دوبارہ حاضری خیرالبشر
Apne Mirza ko talab darbaar mein phir kijiye
Ho Madine mein dobara hazri Khair-ul-Bashar
Share This Naat
Share with friends and family
اِذن طیبہ کا عطا ہو یا نبی خیرالبشر
مرزا جاوید بیگ عطاری