خاک کو عظمت ملی سورج کا جوہر جاگ اُٹھا
آپ کیا آئے کہ ہستی کا مقدر جاگ اُٹھا
Khaak ko azmat mili sooraj ka johar jaag utha
Aap kya aaye ke hasti ka muqaddar jaag utha
تیرگی سے خوف کھا کر جب پکارا آپ کو
جسم و جاں میں روشنی کا اک سمندر جاگ اُٹھا
Tirgi se khauf kha kar jab pukara aap ko
Jism o jaan mein roshni ka ik samundar jaag utha
جب ہوئی ان کی صداقت کو شہادت کی طلب
ہاتھ میں بو جہل کے ہر ایک کنکر جاگ اُٹھا
Jab hui un ki sadaqat ko shahadat ki talab
Hath mein Abu Jahl ke har aik kankar jaag utha
رو کر سویا ہی تھا میں یادِ پیمبر میں ابھی
چشمِ تر میں گنبدِ خضرا کا منظر جاگ اُٹھا
Ro kar soya hi tha mein yaad-e-Peymbar mein abhi
Chashm-e-tar mein gunbad-e-Khazra ka manzar jaag utha
جب ہوا در پیش مدحِ مصطفےٰ کا معرکہ
ذہن کے میدان میں لفظوں کا لشکر جاگ اُٹھا
Jab hua dar paish madah-e-Mustafa ka maarka
Zehan ke maidan mein lafzon ka lashkar jaag utha
منزلِ احساس کی راہیں منوّر ہو گئیں
سوچ کے آئینے میں اِک نور پیکر جاگ اُٹھا
Manzil-e-ehsaas ki rahein manawar ho gayeen
Soch ke aaine mein ik noor paikar jaag utha
قافلے جب بھی مدینے کے نظر آئے صبیحؔ
قلب مضطر کسمسایا دیدہء تر جاگ اُٹھا
Qafile jab bhi Madine ke nazar aaye Sabih
Qalb-e-muztar kismisaya deeda-e-tar jaag utha
Share This Naat
Share with friends and family
خاک کو عظمت ملی سورج کا جوہر جاگ اُٹھا
سید صبیح الدین صبیح رحمانی