naat
آؤ مل کر سارے عالم کی یوں آرائش کریں
آؤ مل کر سارے عالم کی یوں آرائش کریں
اپنے بچوں سے فقط نعتوں کی فرمائش کریں
Aao mil kar saare alam ki yun aaraish karain
Apne bachon se faqat naato ki farmaish karain
اُن کے آنے سے ملا، جس کو ملا جتنا ملا
کُل جہاں پھر کیوں نا اُن کا جشنِ پیدائش کریں
Un ke aane se mila, jis ko mila jitna mila
Kul jahan phir kyun na un ka jashn-e-pedaish karain
کاش کہہ دیں قدسیانِ حشر سے میرے نبی
میرا مدْحَ خواں ہے اس کے ساتھ گنجائش کریں
Kaash keh dein qedsiyaan-e-hashr se mere Nabi
Mera madah khawan hai is ke sath gunjaish karain
چاہئیے گر عزت و نام و رضائے کبریا
اُن پہ مر مٹنے کی فکرِ حق کی افزائش کریں
Chahiye gar izzat o naam o raza-e-Kibriya
Un pe mar mitne ki fikr-e-haq ki afzaish karain
اپنا خاکی جسم بدبودار کر بیٹھے جو لوگ
مشکِ شہرِ مصطفٰی سے دور آلائش کریں
Apna khaaki jism badboodaar kar baithe jo log
Mishk-e-shehar-e-Mustafa se dur alaish karain
دل میں رہتے ہیں نبیِ پاک، کم عُمرو! ہٹو
خضر کو لاؤ ہمارے دل کی پیمائش کریں
Dil mein rehte hain Nabi-e-paak, Kam Umro! hato
Khizr ko lao hamare dil ki pemaish karain
یہ تبسم اِس لئے بھی سوچتا رہتا ہے نعت
کچھ برائے قبر بھی سامانِ آسائش کریں
Yeh tabassum is liye bhi sochta rehta hai naat
Kuch baraaye qabr bhi samaan-e-aaraish karain
Share This Naat
Share with friends and family
آؤ مل کر سارے عالم کی یوں آرائش کریں
حافظ محمد ابوبکر تبسمؔ