عرضِ موسیٰ کو صدائے لن ترانی مل گئی
میرے آقا کو فلک پر میہمانی مل گئی
Arz-e-musa ko sada e lan tarani mil gayi
Mere aaqa ko falak par mehmaani mil gayi
اے نسیمِ صبح تجھ کو گل فشانی مل گئی
گلشنِ طیبہ کی جب سے باغبانی مل گئی
Ae naseem-e-subh tujh ko gul fashani mil gayi
Gulshan-e-taybah ki jab se baghbani mil gayi
بندۂِ عشقِ نبی ہیں اور کچھ حاجت نہیں
ہم ثناخوانوں کو بزمِ نعت خوانی مل گئی
Banda-e-ishq-e-nabi hain aur kuch hijat nahi
Hum sana khanon ko bazm-e-naat khwani mil gayi
ہم سےمدحت کےچمن میں ایسےغنچے کھِل اُٹھے
جن سے مداحِ نبی کو رُت سہانی مل گئی
Hum se madahat ke chaman mein aise ghuncheh khil uthe
Jin se madah-e-nabi ko rut sehani mil gayi
روضۂِ سرکار پر قسمت سے موت آئے اگر
پھر سمجھ لو تم، حیاتِ جاودانی مل گئی
Roza-e-sarkar par kismet se maut aaye agar
Phir samajh lo tum, hayat-e-javdani mil gayi
ہم نےجو شے بھی طلب کی روضۂِ سرکار پر
فضلِ رب اور مصطفےٰ کی مہربانی، مل گئی
Hum ne jo shai bhi talab ki roza-e-sarkar par
Fazl-e-rab aur Mustafa ki meherbani, mil gayi
بےخودی میں جلوۂِ جاناں کےحاصل تھے مزے
معرفت کی جب شرابِ ارغوانی مل گئی
Bekhudi mein jalwa-e-jaanan ke hasil the maze
Ma'arifat ki jab sharab-e-arghwani mil gayi
ہو گئے کافور رنج و غم درِ سرکار پر
اضطرابِ دل ہوا گُم شادمانی مل گئی
Ho gaye kafoor ranj-o-gham dar-e-sarkar par
Iztiraab-e-dil hua ghum shaadmani mil gayi
منجمد سا کردیا تھا موسمِ حالات نے
اُن کی مدحت سے طبیعت کو روانی مل گئی
Munjimid sa kardia tha mausam-e-halat ne
Un ki madahat se tabiyat ko rawaani mil gayi
مصطفےٰ کی دین ہے یہ اے شفیقِِؔ بے نوا
نعت گوئی میں تجھے جو خوش بیانی مل گئی
Mustafa ki dein hai ye ae Shafiq be-nawa
Naat goyi mein tujhe jo khush bayani mil gayi
Share This Naat
Share with friends and family
عرضِ موسیٰ کو صدائے لن ترانی مل گئی
شفیق ؔ رائے پوری