نعت کہتے ہوئے نعت میں ڈوب جا
پار لگ جائے گا ذات میں ڈوب جا
Naat kahte huye naat mein doob ja
Paar lag jaye ga zaat mein doob ja
فتح کرنی ہیں گر دل کی گہرائیاں
بھیگی آنکھوں کی برسات میں ڈوب جا
Fatah karni hain gar dil ki gehraiyan
bheegi aankhon ki barsaat mein doob ja
ایک اک حرفِ قرآں میں رہتے ہیں وہ
ایک اک جوئے آیات میں ڈوب جا
Ek ek harf-e-Qur'aan mein rehte hain woh
ek ek jooye aayaat mein doob ja
دیدہء صبح سے پھوٹنا ہے اگر
آپ کے ہجر کی رات میں ڈوب جا
Deedah-e-subah se phootna hai agar
aap ke hijr ki raat mein doob ja
لا سے کرنا ہے الّا تلک کا سفر
نفی کہتی ہے اثبات میں ڈوب جا
La se karna hai illa talak ka safar
nafi kehti hai isbaat mein doob ja
اُن کا ہر کام ہر بات انمول ہے
اُن کے ہر کام ہر بات میں ڈوب جا
Un ka har kaam har baat anmol hai
un ke har kaam har baat mein doob ja
لینے آئیں گے کتنے ہی ساحل تجھے
بیکرانیِ جذبات میں ڈوب جا
Lene aayein ge kitne hi sahil tujhe
baikarani-e-jazbaat mein doob ja
دل میں اپنے ڈبو دے مناجات کو
پھر مظفر مناجات میں ڈوب جا
Dil mein apne dobo de manaajaat ko
phir Muzaffar manaajaat mein doob ja
Share This Naat
Share with friends and family
نعت کہتے ہوئے نعت میں ڈوب جا
مظفر وارثی