رسائی ہے مِری اس آستاں تک
جہاں خم ہے جبینِ آسماں تک
Rasaai hai miri is astaan tak
Jahan kham hai jabeen-e-aasmaan tak
زمین و آسمان و لامکاں تک
وہی آئے نظر دیکھا جہَاں تک
Zameen o aasman o laamakaan tak
Wohi aaye nazar dekha jahan tak
کوئی حَد ہی نہیں ان کے کرم کی
کہوں کیا ان کی رحمت ہے کہاں تک
Koi had hi nahi in ke karam ki
Kahoon kya in ki rehmat hai kahaan tak
تعالی اللہ نسبت مُصطفےٰ کی
میں پہنچا خالِق کون و مکاں تک
Ta'ala Allah nisbat Mustafa ki
Main pohancha khaliq koun o makaan tak
نوازا اس قدر ان کے کرم نے
نہ ہلنے دی کبھی میری زباں تک
Nawaza is qadar in ke karam ne
Na hilne di kabhi meri zabaan tak
حرم میں بھی نظَر آیا مدینہ
کہاں کی بات جا پہنچی کہاں تک
Haram mein bhi nazar aaya Madina
Kahaan ki baat ja pohnchi kaha tak
فرشتو! یہ مِری فہرستِ عصیاں
نہ پہنچاؤ شفیعِ عاصیاں تک
Farishto! ye meri fehrist-e-asyan
Na pahunchao shafi-e-aasiyan tak
میں اس منزل سے بھی گزرا ہوں خالدؔ
ملک ہمَت نہیں کرتے جہَاں تک
Main is manzil se bhi guzra hoon Khalid
Malak himmat nahi karte jahan tak
Share This Naat
Share with friends and family
رسائی ہے مِری اس آستاں تک
خالد محمود خالد