درِ نبیؐ پہ جو سب سر جھکائے بیٹھے تھے
اُنہی میں ہم بھی تھے، ہم منہ چھپائے بیٹھے تھے
Dar-e-Nabi (ﷺ) pe jo sab sar jhukae baithay thay
Unhi mein hum bhi thay, hum munh chhupae baithay thay
ہر اک گناہ ہمیں اپنا آرہا تھا یاد
ندامتوں کے ہم آنسو بہائے بیٹھے تھے
Har ik gunah humein apna aa raha tha yaad
Nadamaton ke hum aansu bahae baithay thay
ہماری بد عملی نے ہمیں تباہ کیا
ہم اپنی زیست کا دامن جلائے بیٹھے تھے
Humari bad amali ne humein tabah kiya
Hum apni zeest ka daaman jalae baithay thay
کرم کے پھول طلب کر رہی تھی اک خلقت
اور ایک ہم تھے کہ ہم گل کھلائے بیٹھے تھے
Karam ke phool talab kar rahi thi ik khalqat
Aur ek hum thay ke hum gul khilae baithay thay
ہماری دیدہ دلیری تو دیکھئے، پھر بھی
پئے نگاہِ کرم ہاتھ اٹھائے بیٹھے تھے
Humari deeda daleeri to dekhiye, phir bhi
Pay nigaah-e-karam haath uthae baithay thay
مگر وہ در تھا شفیع الوریٰ کا در اختؔر
ہم ایک پل میں مقدر بنائے بیٹھے تھے
Magar wo dar tha Shafi'ul-Wara ka dar Akhtr
Hum ek pal mein muqaddar banae baithay thay
Share This Naat
Share with friends and family
درِ نبیؐ پہ جو سب سر جھکائے بیٹھے تھے
اختر لکھنوی