ممکن نہیں نبیؐ کی بیاں مجھ سے ہوں صفات
عالم میں بے مثال ہے خیر الوریٰ کی ذات
Mumkin nahi Nabiؐ ki bayan mujh se hoon sifat
Alam mein be-misal hai Khair-ul-Wara ki zaat
واقف نہیں تھی قیمتِ ہستی سے کائنات
آئے حضورؐ سب کو ملا مقصدِ حیات
Waqif nahi thi qeemat-e-hasti se kainat
Aaye Huzoorؐ sab ko mila maqsad-e-hayat
بعثت ہوئی رسولؐ کی جب آمنہ کے گھر
طاقِ حرم سے گر پڑے لات و ہبل منات
Baisat hui Rasoolؐ ki jab Amina ke ghar
Taaq-e-haram se gir pare Laat o Hubal Manaat
نورِ خدا کی جلوہ نمائی کے فیض سے
تاریکیاں گئیں، ہوئی پُر نور کائنات
Noor-e-Khuda ki jalwa namai ke faiz se
Tareekiyan gayeen, hui pur noor kainat
آقاؐ نے درسِ حق دیا بخشی متاعِ علم
نرغے میں کفر و جہل کے جس دم تھی کائنات
Aqaؐ ne dars-e-haq diya bakhshi mata-e-ilm
Narghay mein kufr o jahl ke jis dam thi kainat
اے منکرِ حدیثِ رسالت مآب سُن
گویا خدا کا قول ہے میرے نبیؐ کی بات
Ae munkir-e-hadith-e-Risalat Maab sun
Goya Khuda ka qoul hai mere Nabiؐ ki baat
سب ہیچ ہیں گدائے پیمبر کے سامنے
دنیا کے تخت و تاج، خزینے، نوادرات
Sab heech hain gadaaye Paighambar ke samne
Duniya ke takht o taj, khazeene, nawadrat
تنویرِ فیضِ نورِ مجسّم سے آج بھی
شہرِ نبی ہے مرکزِ حسنِ تجلیات
Tanveer-e-faiz-e-noor-e-mujassam se aaj bhi
Shehar-e-Nabi hai markaz-e-husn-e-tajalliyat
چل سُنتِ رسولؐ پہ عقبیٰ کی فکر کر
احسنؔ یہ چند دن کی ہے دنیائے بے ثبات
Chal sunnat-e-Rasoolؐ pe uqba ki fikr kar
Ahsanؔ yeh chand din ki hai duniya-e-be-sabat
Share This Naat
Share with friends and family
ممکن نہیں نبیؐ کی بیاں مجھ سے ہوں صفات
احسن اعظمی