سدا مدینے نوں یاد رکھیں تے ہور سارے مکان بھل جا
ناں بُھلیں سوہنے دا پاک روضہ تے اپنا نام و نشان بھل جا
Sada madeenay noon yaad rakhain te hor saray makkan bhul ja
Naan bhullain sohnay da paak rozah te apna naam o nishan bhul ja
کدی ناں آل نبی تے شہر نبی دی حرمت تے شان بھلیں
ایہہ تیری مرضی اے ہور سارے دا سارا بھاویں جہان بھل جا
Kadi naan aal nabi te shehar nabi di hurmat te shaan bhlain
Ay teiri marzi ay hor saray da sara bhaawin jahan bhul ja
ایہہ تیری عزت تے شان و شوکت ہے مختصر وی تے عارضی وی
نبی دی عزت توں وار سب کچھ تے اپنی بے جان شان بھل جا
Ay teiri izzat te shaan o shaukat hai mukhtasar vi te arzi vi
Nabi di izzat toon waar sab kuch te apni be jaan shaan bhul ja
نہ جانے اَوندی گھڑی نوں دھڑکن ایہہ بند کِس وقت دل دی ہووے
خدا دی طاقت نوں یاد رکھیں تے اپنے سارے گمان بھل جا
Na janay ondee ghari noon dhadkan ay band kis waqt dil di hove
Khuda di taqat noon yaad rakhain te apnay saray gumaan bhul ja
توں شان و عظمت میرے نبی دی ناں توں عقلاں دے نال واعظ
توں ویکھ معراج مصطفے نوں حد زمین و زمان بھل جا
Toon shaan o azmat mere nabi di naan toon aqlan de naal waiz
Toon waikh mairaaj Mustafa noon had zameen o zaman bhul ja
مرے محمد کریم اُتے درود پڑھنا بنا لَے عادت
جنم سی دتے غرور نے جو اوہ سارے جُھوٹھے بیان بُھل جا
Mere Muhammad Kareem utay durood parhna bana la ay adat
Janam si datay ghuroor nay jo oh saray jhothay bayan bhul ja
جو شرک و بدعت دے تیر صائم سدا چلاؤندے نے مومناں تے
اُنہاں دی محفل چوں دور آجا اُنہاں دے تیر و کمان بھل جا
Jo shirk o bidat de teer Sa'im sada chalaoonday nay mominan te
Unhan di mehfil cho door aja unahan de teer o kaman bhul ja
Share This Naat
Share with friends and family
سدا مدینے نوں یاد رکھیں تے ہور سارے مکان بھل جا
علامہ صائم چشتی