زندگی محوِ ثنائے مصطفؐےٰ ہونے لگی
ایک کیفِ جاوداں کی ابتدا ہونے لگی
Zindagi mehve sanaye Mustafa (ﷺ) hone lagi
Ek kaif-e-javedaan ki ibtida hone lagi
ہجر کی شب آگیا جب سبز گنبد کا خیال
روشنی تاریکیوں سے رُونما ہونے لگی
Hijr ki shab aagaya jab sabz gunbad ka khayal
Roshni tarekiyon se roonuma hone lagi
اُن ؐ کا صدقہ مانگنا جب سے ہوا میرا شعار
ہمکنارِ مدعا ہر اک دُعا ہونے لگی
Un (ﷺ) ka sadqa maangna jab se hua mera shiar
Hamkinaar-e-madua har ek dua hone lagi
سرورِ عالمؐ کا معیارِ کرم تو دیکھئے
بادشاہوں میں بھی توقیر ِ گدا ہونے لگی ۔
Sarwar-e-aalam (ﷺ) ka meyaar-e-karam to dekhye
Badshahon mein bhi toqeer-e-gada hone lagi
ان کے قدموں پر گرایا بیخودی نے جب مجھے
جو نمازِ عشق باقی تھی ادا ہونے لگی ۔
Un ke qadmon par giraya bekhudi ne jab mujhe
Jo namaz-e-ishq baaqi thi ada hone lagi
کیا بیاں میں آسکیں گے انکی نسبت کے فیوض
یاد بھی سرکارؐ کی مشکل کشا ہونے لگی
Kya bayan mein aasken ge unki nisbat ke feouze
Yaad bhi Sarkar (ﷺ) ki mushkil kasha hone lagi
شہرت و عزت وہی دیتے ہیں اُنکے فیض سے
مجھ سے خالدؔ ایک دنیا آشنا ہونے لگی
Shohrat o izzat wahi dete hain unke faize se
Mujh se Khalid ek duniya aashna hone lagi
Share This Naat
Share with friends and family
زندگی محوِ ثنائے مصطفؐےٰ ہونے لگی
خالد محمود خالد