ہے اک آشوبِ مسلسل یہ اندھیروں کا نزول
ایک ہلکی سی کرن ، اُمتِ عاصی کے رسُول ؐ !
hai ek aashoob-e-musalsal ye andheron ka nazool
ek halki si kiran, umat-e-aasi ke Rasool (SAW)!
کچھ انوکھے ہیں زمانے کے جہانبانوں سے
تیری شفقت کے ، محبت کے ‘ مروّت کے اصول
kuch anokhe hain zamane ke jahanbano se
teri shafqat ke, muhabbat ke ‘marwat ke usool
ظلمتیں کر نہ سکِیں تیرے عزائم کو علیل
کر سکا کوئی جفا جُو نہ تیرے دل کو ملول
zulmaten kar na sakin tere azaim ko aleel
kar saka koi jafa ju na tere dil ko malool
کتنے طوفان اُٹھے ، کتنے حوادث اُبھرے
پھر بھی بدلا نہ ترے دستِ عطا کا معمول
kitne toofan uthhe, kitne hawadis ubhray
phir bhi badla na tere dast-e-ata ka mamool
تُو وہ محبُوب پیمبرؐ ہے کہ خالق کے حضور
تیری ہر بات پسندیدہ ، ادائیں مقبُول
tu woh mahboob paigambar (SAW) hai ke Khaliq ke huzoor
teri har baat pasandeeda, adaen maqbool
روحِ فردوسِ بریں ، تیرے بدن کی مہکار
سرمۂ دیں افلاک ، ترے پاؤں کی دُھول
rooh-e-firdous-e-bareen, tere badan ki mehakaar
surma-e-deen aflaq, tere paon ki dhool
گُم تری ذات میں افلاک ، بقولِ اقباؔل
پھر بھی افلاک سے ہوتے رہے احکام وصُول ؟
gum teri zaat mein aflaq, baqol-e-Iqbal
phir bhi aflaq se hote rahe ahkam wusool?
آگیا کام شب و روز کا رونا آخر
ہوگئی بارگہہِ شِہؐ میں مری نعت قبُول
aagaya kaam shab o roz ka rona aakhir
hogayi bargah-e-Sheh (SAW) mein meri naat qabool
حاصِل نعت ہے شہرؔت کا یہ مصرع اعظؔم
” میں سگِ دنیا کہاں اور کہاں نعتِ رسُولؐ “
hasil naat hai shehrat ka ye misra Azam
” main sag-e-duniya kahan aur kahan naat-e-Rasool (SAW) “
Share This Naat
Share with friends and family
ہے اک آشوبِ مسلسل یہ اندھیروں کا نزول
محمد اعظم چشتی