دل مدینے کے تصور میں بہل جائیں گے
نام سن کر ترا دیوانے مچل جائیں گے
Dil madine ke tasawwur mein bahl jayenge
Naam sunkar tera deewane machal jayenge
جب تری چشم کرم ساقی کوثر ہوگی
گرتے گرتے ترے میخوار سنبھل جائیں گے
Jab teri chashm-e-karam saqi-e-kausar hogi
Girte girte tere maikhwar sambhal jayenge
اپنے گھر روز درودوں کی سجاؤ محفل
دیکھتے دیکھتے حالات بدل جائیں گے
Apne ghar roz daroodon ki sajawo mehfil
Dekhte dekhte halaat badal jayenge
اور تو کچھ نہیں دامن میں درودوں کے سوا
لیکے محشر میں یہی حسن عمل جائیں گے
Aur to kuch nahin daaman mein daroodon ke siwa
Le ke mehshar mein yahi husn-e-amal jayenge
ایک دن آے گا طیبہ سے بلاوا اے دل
ایک دن سب تیرے ارمان نکل جائیں گے
Ek din aaye ga Tayyiba se bulawa ae dil
Ek din sab tere armaan nikal jayenge
یا نبی آج کے بھی دور میں ایماں ہے مرا
سنگدل سن کے ترا نام پگھل جائیں گے
Ya Nabi aaj ke bhi dor mein imaan hai mera
Sangdil sunkar tera naam pigal jayenge
ہوگی اُن لوگوں پر الطاف و کرم کی بارش
حسن سرکار کی سیرت میں جو ڈھل جائیں گے
Hogi un logon par altaf-o-karam ki barish
Husn-e-Sarkar ki seerat mein jo dhul jayenge
ساتھ انسان کے جائیں گے نہ مال و دولت
جائیں گے ساتھ تو بس حسن عمل جائیں گے
Saath insaan ke jayenge na maal-o-doulat
Jayenge saath to bas husn-e-amal jayenge
اُن کی یادوں کو نیازی جو بسالو دل میں
جتنے خطرات ہیں محشر کے وہ ٹل جائیں گے
Un ki yadon ko Niazi jo basa lo dil mein
Jitne khatraat hain mehshar ke wo tal jayenge
Share This Naat
Share with friends and family
دل مدینے کے تصور میں بہل جائیں گے
عبدالستار نیازی