بطحا سے آئی، اور صبا لے گئی مجھے
مانندِ برگ و بار اُڑا لے گئی مجھے
Batha se aayi, aur saba le gayi mujhe
Manind-e barg o bar uda le gayi mujhe
اس شان سے بڑھی کہ بڑھا لے گئی مجھے
طیبہ تک اپنے دل کی صدا لے گئی مجھے
Is shaan se badhi ke badha le gayi mujhe
Taybah tak apne dil ki sada le gayi mujhe
ارض حجاز پاک کہاں اور میں کہاں
اُن کی نگاہ، اُن کی عطا لے گئی مجھے
Arz-e Hijaz pak kahan aur main kahan
Un ki nigah, un ki ata le gayi mujhe
مدت سے مَیں تھا گوشہ نشیں اُن کی یاد میں
آجاؤ آئی ایک صدا، لے گئی مجھے
Muddat se main tha gosha nasheen un ki yaad mein
Aajao aayi ek sada, le gayi mujhe
اُن کے حُضور آخری سانسیں بسر ہوئیں
صد شکر اُن کے دَر پہ قضا لے گئی مجھے
Un ke huzoor aakhri saansen basar huin
Sad shukar un ke dar pe qaza le gayi mujhe
دریائے ذوق و شوق میں ساحل سے کم نہ تھی
وہ موجِ بیخودی کہ بہا لے گئی مجھے
Darya-e zaoq o shauq mein sahil se kam na thi
Woh mauj-e bekhudi ke baha le gayi mujhe
اتنی سکت کہاں تھی کہ اُٹھتے مِرے قدم
آئی تھی اُنؐ کی یاد، بُلا لے گئی مجھے
Itni sakat kahan thi ke uthte mere qadam
Aayi thi un ki yaad, bula le gayi mujhe
اک ذرّۂ حقیر تھا مَیں اُنؐ کی راہ میں
دامن تک اُنؐ کے موجِ ہَوا لے گئی مجھے
Ek zarrah-e haqeer tha main un ki raah mein
Daman tak un ke mauj-e hawa le gayi mujhe
بابِ حرم، نصیرؔ! بہت دُور تھا، مگر
اُس تک مِرے بڑوں کی دُعا لے گئی مجھے
Bab-e haram, Naseer! bohot door tha, magar
Us tak mere baron ki dua le gayi mujhe
Share This Naat
Share with friends and family
بطحا سے آئی، اور صبا لے گئی مجھے
سید نصیرالدیں نصیر