پھر ابر کرم برسا رحمت کی گھٹا چھائی
سرکارؐ کی یادوں سے مہکی مری تنہائی
Phir abr-e-karam barsa rehmat ki ghata chhaee
Sarkar ki yaadon se mehki meri tanhai
تسکین دل مستاں عکس رخ جاناناں
محفل میں وہ کیا آئے جلووں کی بہار آئی
Taskeen-e-dil mastan aks e rukh-e-jaananaan
Mehfil mein woh kya aaye jalwon ki bahar aaye
دیکھوں رخ روشن کو ایسی بھی گھڑی آئے
محتاج ِ زیارت ہے آنکھوں کی یہ بینائی
Dekhoon rukh-e-roshan ko aisee bhi ghari aaye
Mohtaaj-e-ziyarat hai aankhon ki ye beenai
تسلیم کا سر خم ہو اور آنکھ بھی پر نم ہو
ہے اہلِ محبت کا پیمانہء گویائی
Tasleem ka sar kham ho aur aankh bhi par nam ho
Hai ahl-e-mohabbat ka paimana-e-goiyaai
رحمت کی نظر ڈالے جس پر نہ کرم ان کا
اس دل کا مقدر ہے اک عالمِ تنہائی
Rehmat ki nazar daale jis par na karam un ka
Is dil ka muqaddar hai ek alam-e-tanhai
اپنا تو ظہوریؔ بس اتنا سا تعارف ہے
میں آپؐ کا دیوانہ دنیا مری شیدائی
Apna to Zahoori bas itna sa taaruf hai
Main aap ka deewana duniya meri sheedaai
Share This Naat
Share with friends and family
پھر ابر کرم برسا رحمت کی گھٹا چھائی
محمد علی ظہوری