خواب میں ہی سہی اُس رشکِ قمر کی صورت
کاش آجائے نظر نوری بشر کی صورت
khaab mein hi sahi us rashk-e-qamar ki soorat
kaash aajaye nazar noori bashar ki soorat
دیکھ کر کعبہ میں پھر کعبے کا کعبہ دیکھوں
پھر نکل جائے خدا کوئی سفر کی صورت
daikh kar Kaaba mein phir Kaabe ka Kaaba dekhun
phir nikal jaye khuda koi safar ki soorat
گھر میں جس دن سے لگا نامِ نبی کا طغرا
پھر بلاؤں نے نہ دیکھی مرے گھر کی صورت
ghar mein jis din se laga naam-e-nabi ka toghra
phir balaon ne na dekhi mere ghar ki soorat
بے جھجک مانگ لے مختار ہیں میرے آقا
دیکھتا کیا ہے اگر اور مگر کی صورت
be jhijhak maang le Mukhtar hain mere aaqa
dekhata kya hai agar aur magar ki soorat
دیکھ پھر گنبدِ خضرا کے مقابل آیا
دیکھ پھر کیسی ہے پھیکی سی قمر کی صورت
dekh phir Gumbad-e-Khazra ke muqabil aaya
dekh phir kaisi hai pheeki si qamar ki soorat
یادِ سرکارِ دو عالم سے ہے نسبت ان کو
چند قطرے ہیں جو پلکوں پہ گہر کی صورت
yaad-e-Sarkar-e-Do Aalam se hai nisbat un ko
chand qatre hain jo palkon pe gaher ki soorat
تم اگر پڑھ کے نکل جائو شفیقؔ اُن پہ درود
دشت میں بھی نہ نظر آ ئے ضرر کی صورت
tum agar parh ke nikal jao Shafeeq un pe darood
dasht mein bhi na nazar aaye zarar ki soorat
Share This Naat
Share with friends and family
خواب میں ہی سہی اُس رشکِ قمر کی صورت
شفیق ؔ رائے پوری