لفظ کے بس میں نہ تھا عرضِ تمنا کرنا
راس آیا مجھے اشکوں کو وسیلہ کرنا
Lafz ke bas mein na tha arz-e-tamanna karna
Raaz aya mujhe ashkon ko waseela karna
ان کے دامن بھی مرادوں سے وہی بھرتے ہیں
عمر بھر جن کو نہیں آیا تقاضا کرنا
Un ke daman bhi muradon se wohi bharte hain
Umar bhar jin ko nahi aya taqaza karna
نظر ان کے درِ اقدس پہ جمی رہتی ہے
شان ہے جن کی غم ِ دل کا مداوا کرنا
Nazar un ke dar-e-aqdas pe jami rahti hai
Shaan hai jin ki gham-e-dil ka madawa karna
میرے غم خانے کو ہے ان کی توجہ درکار
جن کو آتا ہے تبسّم سے اجالا کرنا
Mere gham khanay ko hai un ki tawajjo darkar
Jin ko aata hai tabassum se ujala karna
کاش قسمت میں ہو محبوبِ خداؐ کا دیدار
جن کا منصب ہے تن و روح کو اجلا کرنا
Kaash qismat mein ho mehboob-e-Khuda SAW ka deedaar
Jin ka mansab hai tan o rooh ko ujla karna
سر بسر معجزہ تھا آپؐ کا اندازِ حیات
کم تھا کیا خَلق کو توحید پہ یکجا کرنا
Sar basar mojza tha aap SAW ka andaaz-e-hayat
Kam tha kya khalq ko tauheed pe yakja karna
خُلق کو درجہء معراج پہ کرنا فائز
اور اس کے لیے ہر رنج گوارا کرنا
Khulq ko darja-e-me'raj pe karna faize
Aur is ke liye har ranj gawara karna
شانِ سرکارؐ کا سو رنگ میں ظاہر ہونا
حق کا وہ ان کے لیے کعبہ کو قبلہ کرنا
Shaan-e-Sarkar SAW ka so rang mein zahir hona
Haq ka woh un ke liye Kaaba ko qibla karna
ہٹ کے طیبہ سے مضافات میں بارش ہونا
ابر کا آپ ؐ کے ارشاد کو پورا کرنا
Hatt ke Tayyaba se muzaffat mein barish hona
Abr ka aap SAW ke irshaad ko poora karna
پتھروں اور درختوں کا سلامی دینا
شب کے اک حصّے میں افلاک کا دورہ کرنا
Pathron aur darakhton ka salami dena
Shab ke ek hisse mein aflak ka daura karna
تیرے محبوبؐ سے منسوب ہے تائب یا رب
سرِ محشر اسے خلقت میں نہ رسوا کرنا
Tere mehboob SAW se mansub hai taib ya Rab
Sar-e-mahshar use khalqat mein na ruswa karna
Share This Naat
Share with friends and family
لفظ کے بس میں نہ تھا عرضِ تمنا کرنا
حفیظ تائب