خُلد کے منظر مدینے میں نظر آئے بہت
رحمتوں کے ابر گِھر گِھر کر اُدھر آئے بہت
Khuld ke manzar madine mein nazar aaye bohat
Rehmaton ke abr ghir ghir kar udhar aaye bohat
آپؐ جیسا ایک بھی آیا نہ آئے گا کوئی
محفلِ کونین میں یُوں تو بشر آئے بہت
Aap ﷺ jaisa aik bhi aaya na aaye ga koi
Mehfil-e-kounain mein youn to bashar aaye bohat
مَیں نے جنگل میں کہی تھی نعت تنہا بیٹھ کر
دیکھتے ہی دیکھتے قُدسی اُتر آئے بہت
Main ne jungle mein kahi thi naat tanha baith kar
Dekhte hi dekhte qudsi utar aaye bohat
یہ اُسی مٹی کی قسمت تھی جو نیچے بچھ گئی
ورنہ پا بوسی کی خاطر بحر و بر آئے بہت
Yeh usi mitti ki qismat thi jo neeche bichh gayi
Warna pa bosi ki khatir bahr o barr aaye bohat
جب کبھی مَیں نے سُنا اسمِ مبارک آپؐ کا
رنگ چہرے پر عقیدت کے نکھر آئے بہت
Jab kabhi main ne suna ism-e-mubarak aap ﷺ ka
Rang chehre par aqeedat ke nikhar aaye bohat
جن کو ملنی تھی سعادت مِل گئی اب بحث کیا ؟
آپؐ پر قربان ہونے یوں تو سر آئے بہت
Jin ko milni thi saadat mil gayi ab behas kya?
Aap ﷺ par qurban hone youn to sar aaye bohat
آپؐ جس کے منتظر تھے وہ جواں صرف ایک تھا
سر جھکانے کے لیے ورنہ عمر آئے بہت
Aap ﷺ jis ke muntazir the wo jawan sirf aik tha
Sar jhukanay ke liye warna umar aaye bohat
Share This Naat
Share with friends and family
خُلد کے منظر مدینے میں نظر آئے بہت
انجم نیازی