اے کاش! تصوُّر میں مدینے کی گلی ہو
اور یادِ محمد بھی مِرے دل میں بسی ہو
Ae kaash! Tasawwur mein Madine ki gali ho
Aur yaad-e-Mohammad bhi mere dil mein basi ho
دو سوزِ بِلال آقا ملے درد رضا سا
سرکار عطا عشقِ اُوَیسِ قرنی ہو
Do soz-e-Bilal aaqa mile dard-e-Raza sa
Sarkaar 'ataa ishq-e-Owais-e-Qarni ho
اے کاش! میں بن جاؤں مدینے کا مسافِر
پھر روتی ہوئی طیبہ کو بارات چلی ہو
Ae kaash! Main ban jaon Madine ka musafir
Phir rooti hui Tayyaba ko baraat chali ho
پھر رَحمتِ باری سے چلوں سُوئے مدینہ
اے کاش! مقدَّر سے مُیَسَّر وہ گھڑی ہو
Phir rahmat-e-Baari se chalun sooye Madina
Ae kaash! Muqaddar se muyassar woh ghari ho
جب آؤں مدینے میں تو ہو چاک گِرِیباں
آنکھوں سے برستی ہوئی اَشکوں کی جَھڑی ہو
Jab aoon Madine mein to ho chaak gareban
Aankhon se barasti hui ashkon ki jhari ho
اے کاش! مدینے میں مجھے موت یوں آئے
چوکھٹ پہ تری سر ہو مری روح چلی ہو
Ae kaash! Madine mein mujhe maut yun aaye
Chaukhat pe teri sar ho meri rooh chali ho
جب لے کے چلو گورِغَریباں کو جنازہ
کچھ خاک مدینے کی مِرے منہ پہ سجی ہو
Jab le ke chalo gor-e-ghareeban ko janaaza
Kuch khaak Madine ki mere munh pe saji ho
جس وقت نکیرَین مِری قبر میں آئیں
اُس وَقت مِرے لب پہ سجی نعتِ نبی ہو
Jis waqt Nakeerain meri qabr mein aayein
Us waqt mere lab pe saji naat-e-Nabi ho
اللہ! کرم ایسا کرے تجھ پہ جہاں میں
اے دعوتِ اسلامی تِری دھوم مچی ہو
Allah! Karam aisa kare tujh pe jahaan mein
Ae Dawat-e-Islami teri dhoom machi ho
صَدقہ مِرے مرشِد کا کرو دُور بلائیں
ہو بِہتَرِی اُس میں جو بھی ارمانِ دلی ہو
Sadqa mere Murshid ka karo door balaayein
Ho behtari us mein jo bhi armaan-e-dili ho
اللہ کی رَحمت سے تو جنَّت ہی ملے گی
اے کاش! مَحَلَّے میں جگہ اُن کے ملی ہو
Allah ki rahmat se to jannat hi milegi
Ae kaash! Mahalley mein jagah un ke mili ho
محفوظ سدا رکھنا شہا! بے اَدَبوں سے
اور مجھ سے بھی سرزد نہ کبھی بے اَدَبی ہو
Mahfuz sada rakhna Shah! Be-adabon se
Aur mujh se bhi sarzad na kabhi be-adabi ho
عطارؔ ہمارا ہے سرِحَشر اِسے کاش!
دستِ شَہِ بطحا سے یِہی چِٹھّی ملی ہو
Attar hamara hai sar-e-Hashr ise kaash!
Dast-e-Shah-e-Bat'ha se yehi chitti mili ho
Share This Naat
Share with friends and family
اے کاش! تصوُّر میں مدینے کی گلی ہو
الیاس عطار قادری